Ephesians 4:15 - Sa Ugud Apudyus

¹⁵ Yaḵon ngaimane ugudon taḵu baḵon nu ḵoon taḵu, ḵasapuḻane ipapati taḵu ḵatuttuwaane midoga ayat inggana'ḵ gumodogodong antatagu taḵu we miyisu ḵan Kristu we isun di uḻun da losane gimung da namati.

Ephesians 4:15 ပူးပေါင်းရင်းမြစ်များ

John 1:47

Innilan ḵad ay Jesus aḵ Nathanael we umadani, imbagana mipanggob ḵan siya woḵ ḵanana, “Annaya tuttuwae ganaḵ Israel we adipun nasiḵap.”

Romans 12:9

Tuttuwa oḵyan ayatyu'tta buḻunyu we namati. Ḵad ḵasapuḻane sasangngaanyu oḵyan da ngaimane lawweng ta siya pagapagatupanyu unudon da ngaimane ambaḻu.

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 8:8

Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu.

Ephesians 1:22

Impangatun Apudyus aḵ Kristu ta siya angipangat atta losane banag ya siya bos dinutuḵan Apudyus we pangat da losane namati.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Ephesians 2:21

Siya aangdon ḵan amapagdot si losane partin ni templo ta magagaaman ḵopyana. Ḵad gapu si niyossaananyu ḵan Apu, nibelang ḵayu'tta losane namati ye usaron Apudyus aḵ antaḵad si templo we inggawana mipagapu'tte Ispiritu Santu.

Ephesians 4:25

Pun adi ḵayu ogon antultulli, abus ḵatuttuwaan aḵ ibagayu'tta buḻunyu te nidoga taḵu losan atte long-ag Kristu.

Ephesians 5:23

Te sa laḻaḵi siya angituray si asawana. Sadi isun Kristu we siya angipangat atta gimung da namati ye isun di long-agna. Ḵad aḵ Kristu anagu'tta losane namati.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.