Ephesians 4:10 - Sa Ugud Apudyus

¹⁰ Ḵad sa sanae nan-osoge naḻpu'd langit, siya bos nipangatu'tte ḵangatuwane lugar ta siya inggaw atta ngaimane lugar we angipangat atta losan.

Ephesians 4:10 ပူးပေါင်းရင်းမြစ်များ

Matthew 24:34

Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 1:16

Ḵad gapu'tte ummamdane ḵinabaḻuna, binbindisyunana ditaḵu losane namati.

John 19:24

Pun ḵananda, “Umadi taḵu pissayon ta ambubbunut taḵu nu ngai anginḵuwa.” Naḵwa da anna ta mituttuwa nigili ye Ugud Apudyus we ḵanana, “Nambisbisaḵanda silupḵu ya nambubbunutda nu ngai anginḵuwa si osae silupḵu.” Ḵaḵna ḵingwan da suḻdadu.

John 19:28

Inigammun ḵad Jesus we ginanggangputna da losan ḵanana, “Nauwawaḵ,” ta mituttuwa nigili ye Ugud Apudyus.

John 19:36

Ḵad naḵwa da sana ta mituttuwa nigili ye Ugud Apudyus we ḵanana, “Naippun ossaan aḵ maptod atta tung-aḻna.”

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Acts 1:9

Inabus ḵad Jesus imbaga da sana, nipangatu'd langite tatangngadonda inggana'ḵ natalingdan atte libuu.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.

2 Corinthians 12:2

Awad de igammuḵe osae namati ḵan Kristu atte naḻaḵpus nasawaḻan aḵ opate tawone nipangatu'tte ḵumaḵlu we langit. Adiḵpun igammu nu abus ispirituna'ḵ ummoy baḵon nu nidoga long-agna. Aḵ Apudyus abus aḵ angigammu. Sa igammuḵ, nipangatu annae tagu si igaw Apudyus ad langit.

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Colossians 1:19

Te pinion Apudyus we losane ḵinaapudyusna awad atte Abengna.

Colossians 2:9

Sa ḵatuttuwaan mipanggob ḵan Kristu, nambalin tagu yaḵon awad ḵan siya da losane ḵinaapudyus Apudyus.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.