Ephesians 4:1 - Sa Ugud Apudyus

¹ Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Ephesians 4:1 ပူးပေါင်းရင်းမြစ်များ

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Romans 11:29

Te adipun maḵwae obson Apudyus somsomoḵna si mipanggob atta binindisyunana ya da pinilina.

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

1 Corinthians 4:16

Pun ḵodawoḵ ḵan diḵayu ta unudonyu oḵyan saḵon.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 4:12

Susunudḵu ḵan Kristu, anusanyu ḵappos unudon saḵon te nambalinaḵ aḵ isuyu we Gentil we napuḵayan si lintog Moses. Ḵad ambaḻu nangwayu ḵan saḵon atte awe.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Ephesians 4:4

Losan taḵu we niyossaan ḵan Kristu, isu taḵun os-ossaane long-ag ya ossaane Ispiritu. Os-ossaan os namnama taḵu gapu si namiliyan Apudyus ḵan ditaḵu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Philippians 3:14

Iggaḵ ḵabooḻaḵ ta daḵngoḵ miyisu si pagpag ni totoddaḵan ta magun-udḵu gungunae itton Apudyus atta losane piliyanae midoga ḵan siya'd langit gapu ḵan Jesu Kristu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 2:6

Gapu ta inawatyu'ḵ Jesu Kristu aḵ Apuyu, ḵasapuḻane unudonyu antatagunae mibagay atte tagu we niyossaan ḵan siya.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

2 Thessalonians 1:11

Pun patilayune iluwaḻuwanni diḵayu ta ambalinon Apudyus diḵayu'ḵ tagu we mibagay si namiliyana ḵan diḵayu. Ituttuwana oḵyan pos da losane ambaḻu we panggobyu ya da losane ḵingwayu ya da pammatiyu gapu'tte ḵabooḻana.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

Titus 2:10

baḵon nu an-aḵaw atta ḵuḵuwada yaḵon ipailada oḵyane pasige tuttuwae mataḻgodanda ta maila ḵinabaḻun da mituttudu we mipanggob ḵan Apudyus we anagu ḵan ditaḵu gapu'tta losane ḵoonda.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

2 Peter 1:3

Mipagapu si ḵabooḻan Apudyus, innatodna ḵan ditaḵu da losane ḵasapuḻan taḵu ta unudon taḵu naapudyusane antatagu. Maḵwae unudon taḵu sadi te igammu taḵu we siya namili ḵan ditaḵu mipagapu si mismu we ḵinadayawna ḵan ḵinabaḻuna.

2 John 1:5

Ḵad sinsadi annaya ibagaḵ, ḵodawoḵ ḵan siḵae patpatgoḵe ina. An-asiayat taḵu oḵyan. Daḵampun aḵ baru we bilin anna yaḵon sa inninggaw ḵan ditaḵu si inggan ni laplapu.