Ephesians 3:9 - Sa Ugud Apudyus

⁹ Ḵad ipaḵaawatḵu'tta losane tagu inon ni planun Apudyus we mituttuwa. Aḵ Apudyus we nangwa'tta losan, adinapun impaigammu planuna si awe.

Ephesians 3:9 ပူးပေါင်းရင်းမြစ်များ

Matthew 10:27

Sa ibagaḵ ḵan diḵayu'tte umabus taḵu'tta labi, ḵasapuḻane mipaigammu'tta adu we tagu'tta aḻgaw. Ḵad sa iyagapaapḵu ḵan diḵayu, ḵasapuḻan ose iyip-ipḵawyu'tta losane tagu.

Matthew 13:35

Ḵingwana ḵaḵna ta mituttuwa impaibagan Apudyus atte profetanae ḵanana, “Da pani, siya inoḵe maḵaugud ḵan dida. Ibagaḵ ḵan dida da daampun mipaigammu'tte inggan ni naḵwaan ni lubung.”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

John 10:30

Saḵon ya aḵ Amaḵ, ossaan ḵani.”

John 5:17

Ḵanan Jesus, “Aḵ Amaḵ we Apudyus, adipun guminoḵe anḵewaaḻ ḵad isuna bos ḵan saḵon.”

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

Acts 15:18

Sana imbagan Apu we impaigammuna si awe.’ ”

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

1 Corinthians 2:7

Te sa nilimode ḵinalaing Apudyus we ibagabagani, siya simsimmoḵna si daan ni lubung maḵwaan ta midoga taḵu si ḵabaḻuwane antatagu ḵan Apudyus ad langit.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Ephesians 3:2

Aaddi ye dingngoḻyu we mipagapu'tte ḵinabaḻun Apudyus, intaḻgodna ḵan saḵon annae ḵewaaḻ ta ambanag atte bumaḻuwanyu.

Ephesians 6:19

Iluwaḻuwanaḵ ud os ta ituttudun Apudyus da ustu we ibagaḵ nu isaḻadḵu we an-ugud ya tumuḻodaḵe angipaigammu si Ambaḻu we Damag we adipun nipaigammu si awe.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Colossians 1:26

Sa annae ugudnae impaigammuḵ ḵan diḵayu, adipun nipaigammu'tte awe taḵon ay ngai ye tagu. Yaḵon simsimmoḵ Apudyus we ipaigammuna sinsadi ḵan ditaḵu we tagunae nidoga taḵu we Gentil. Ḵad sana ambaḻu ḵan nakaskasdaawe impaigammun Apudyus. Iinggaw aḵ Kristu ḵan diḵayu, pun siya namnamaonyu we midog-anyu si ḵabaḻuwane antatagu ḵan Apudyus ad langit.

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

2 Thessalonians 2:13

Yaḵon ḵan diḵayu susunudḵu ḵan Kristu we ay-ayaton Apu, ḵasapuḻane pagapagatupanni ye anggappiya ḵan Apudyus gapu ḵan diḵayu. Te inggana'tte damu, pinilin Apudyus diḵayu'ḵ matagu mipagapu'tte Ispiritu Santu we nangitotoḵḵon ḵan diḵayu'ḵ tagun Apudyus ta bumaḻu ugaliyu ya mipagapu'tte pinatiyu ḵatuttuwaan mipanggob ḵan Jesu Kristu.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 14:6

Pun innilaḵ osae anghel we antattayap ad ngatu. Inninggaw ḵan siya Ambaḻu we Damag we sa ippun ambaliwana'ḵ ingganae umoyna iwaḻagawag atta tagu'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”