Ephesians 3:6 - Sa Ugud Apudyus

⁶ Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Ephesians 3:6 ပူးပေါင်းရင်းမြစ်များ

1 Corinthians 12:12

Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya.

1 Corinthians 12:27

Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna.

Galatians 3:14

Mipagapu ḵan Jesu Kristu, binindisyunan Apudyus da Gentil we isun ni bindisyune inkarina ḵan Abraham ta ditaḵu we namati awaton taḵu oḵyan nikari ye Ispiritu Santu gapu si pammati taḵu.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

Ephesians 5:30

te ibelangna ditaḵu'ḵ long-agna.

Ephesians 5:7

Pun adi ḵayu maḵabuḻbuḻun atta ḵassadi ye tagu.

Colossians 2:19

Pun nisinada ḵan Kristu we isun di siya uḻu taḵu we namati. Ditaḵu ḵad, niyossaan taḵu ḵan siya te ditaḵu isun di long-agna. Pun sa uḻu asi ḵigad atte losane ḵamangay ni long-ag ta awaton ni sin-ossaossa da ḵasapuḻana ya miyustu-ustu uḻnus da losan. Pun siya dumaḵoḻan taḵu gapu'tte pigsae itton Apudyus ḵan ditaḵu.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.