Ephesians 2:2 - Sa Ugud Apudyus

² Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

Ephesians 2:2 ပူးပေါင်းရင်းမြစ်များ

Matthew 11:19

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan.’ Yaḵon ilanyu ḵad, mipailae ustu ḵinalaing Apudyus atta biyag da losane angunud atte ḵinalaingna.”

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

Mark 4:19

Yaḵon gapu'tta binimbinsawda'tta biyagda si annae lubung ya piondae bumaḵnang ya da udume amaamayonda, adidapun tungaguwon ugude dingngoḻda ḵad adipun mabaliwan da ugalida.

Luke 16:8

“Inigammun ḵad ni apuna, intaḻayagna sanae adipun mataḻgodane anḵeḵewwaaḻona si ḵinalaingnae namnammoḵ si iḵataguna. Te tuttuwae da tagu we adipun namati, nalaingdae angwa'tta inondae maḵaug-uggud atta udume tagu we isuna didae adipun nasilawan da somsomoḵda.

Luke 22:31

Pun ḵanan Jesus ḵan Peter, “Simon, dongngom ḵappos ibagaḵ. Ḵindaw Satan gundawaynae amappadas ḵan diḵayu losan ta ilana nu awad misina ḵan diḵayu we isun ni misinaan ni dugi'tte wheat nu matop-an.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

John 13:2

Angan ḵad da Jesus si sadi ye labi, impaspasmoḵ Satan ḵan Judas Iscariot we abeng Simon we ituyuḵna'ḵ Jesus.

John 13:27

Innaḻan ḵad ay Judas tinapay, nillumnoḵ aḵ Satan ḵan siya. Pun ḵanan Jesus ḵan siya, “Angganasome angwa si piom ḵoon.”

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 15:19

Nu isuyu da tagu we adipun amati, ayatonda diḵayu. Yaḵon gapu ta piniliḵ diḵayu'ḵ amati, sadi gapunae sasangngaan diḵayu.

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

John 7:7

Te ippun lasun da tagu we adipun namati ye sumasanga ḵan diḵayu yaḵon sasangngaanda saḵon te panoḵnoḵaḵe lawweng da ḵoḵoḵḵonda.

John 8:23

Ḵanan os Jesus, “Diḵayu we adipun namati, sa somsomoḵyu nainlubungan. Yaḵon ḵan saḵone naḻpu'd langit, sa somsomoḵḵu nainlangitan.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 19:35

Yaḵon pinaginoḵ ḵad ni secretaryn ni siyudad da amode tagu ḵanana, “Susunude iyEphesus, awad ḵamman ossaan ḵan ditaḵu'ḵ adi angigammu we ditaḵu angay-ayyuwan atte templon ni madaydayawe Artemis ya sa sinan-Artemis we batu we naottage naḻpu'd langit?

Acts 5:3

Yaḵon ḵanan Peter, “Ananias, ngaipam iyunude aḵ Satan anḵewaaḻ atte somsomoḵnu ya nantultulliḵa si Ispiritu Santu atte nangitaḻuwam si udume bayad ni lutayu?

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

1 Corinthians 5:10

Yaḵon sa ibagaḵ daḵampun atta tagu we adipun namati ye maḵadagdagas, ḵamommod ya da aḵḵawan baḵon nu andayaw atta sinan-apudyus. Te nu adi ḵayu maḵabuḻbuḻun ḵan dida, ḵasapuḻane tenanyu annae lubung.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Ephesians 1:21

Sidi ampangatana sinsana ḵad nangatngatu'ḵ adayu ḵabooḻana nu da anna ḵaḻabbonganda ḵan ḵabooḻanda ya da ngadan da ngaimane pangat si annae lubung ya da losane adipun maila'd langite awad de ampangatanda. Naippun paat nangatngatu nu siya sinsana ya sa umali ye timpu.

Ephesians 2:11

Pun diḵayu we niyanaḵe Gentil, sosomḵonyu oḵyane sa awe, potogon da Judyu diḵayu te adiyupun inunud ugalida mipanggob si sogyat. Isḵaḻdae dida da tagun Apudyus gapu'tte sanae ugali mipanggob si sogyat. Yaḵon sa ḵatuttuwaan, sa sogyat abuse ḵoon da tagu'tta long-agda.

Ephesians 2:13

Yaḵon sinsadi ḵad, gapu si niyossaananyu ḵan Jesu Kristu, diḵayu we adayu si awe, niyadani ḵayu ḵan Apudyus mipagapu si pummoy-asan ni daḻan Kristu si natoyana.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Ephesians 4:22

Pun ḵasapuḻane ḵaanonyu da dadaane ugaliyu we nangidaḻan atte biyagyu we angwa'tte pinion ni long-ag. Sanat dadaane ugaliyu we angallelaw ya anadail ḵan diḵayu.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.

Ephesians 6:12

Te daḵampun aḵ tagu da ḵabusuḻ taḵu yaḵon da losane kalasin di ispiritu we adipun mailae angipangat atta tagu sina'd lutae sissiya si pongot ya da udume awad ad langite lawweng.

Colossians 1:21

Taḵon ay diḵayu'tte awe, adayu ḵayu ḵan Apudyus ḵad sinullagiyu gapu'tte ḵingwayu ya ansosomsomoḵyu.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

James 1:7

Da ḵassadi ye tagu maoboobos somsomoḵda ya anduwaduwada'tte ngaimane ḵoonda. Pun adida oḵyan namnamaone awad awatonda ḵan Apu.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 Peter 1:14

Gapu ta diḵayu da abeng Apudyus we tumuttuwa, adiyu ogon unudon da inamaamayyu si awe si daanyu angigammuwan ḵan Apudyus.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.

2 Peter 2:14

Ḵad pionda adaḻugon da ngaimane bubai ye ilanda, adidapun mappoge bumasubasuḻ. Nalaingda bose angawis atta tagu we adipun ampigsa pammatida ta masubsubdae bumasuḻ. Ummingsada si ḵamommod. Aaddi ye dusaon Apudyus dida.

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

1 John 5:4

te ngaimane abeng Apudyus, oḻgona da tagu we adipun amati we sumullagi ḵan Apudyus. Ḵad sa pammati taḵu ḵan Jesu Kristu, siya iyang-angngog taḵu'tta tagu we adipun amati.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 13:14

Pun inallelawna da adipun namati'd luta gapu'tta nakaskasdaawe sinyale niyunude ḵingwana si nanserserbiyana si ummunae ḵaog-ogyate ayam. Pun imbagana ḵan dida ta angwada'ḵ sinan-ayame dayawondae isun ni ummunae ayame nasugat atte ispada yaḵon sissiyae natagu.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 16:17

Intuyaḵ os ni ḵumapitu we anghel inggaw si maḻuḵungna'tte bibbid woḵ inggaw andangsoḻe gingae naḻpu'tte trono si templo we ḵanana, “Nagangput!”

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.