Ephesians 1:20 - Sa Ugud Apudyus

²⁰ impailana si nanaguwana ḵasin ḵan Kristu ya sa nangipangatuwana ḵan siya'd langit woḵ pinatuḵduna si madawinannae maḵapangat ḵan siya.

Ephesians 1:20 ပူးပေါင်းရင်းမြစ်များ

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Mark 14:62

Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

John 10:18

Naippun paat maḵaaḻa'tte biyagḵu yaḵon sipupusuwaḵe angitod. Anna ḵabooḻaḵe angitod atte biyagḵu ya anna bos ḵabooḻaḵe amauli. Sa imbilin Amaḵ, ḵasapuḻane ḵooḵ.”

John 10:30

Saḵon ya aḵ Amaḵ, ossaan ḵani.”

Acts 10:40

Yaḵon tinagun Apudyus ḵasin atte miḵaḵlu we aḻgaw woḵ nampaila ḵan diḵani.

Acts 26:8

Ngaipa anḵamnut amatiyanyu we taguwon Apudyus da natoy?

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Ephesians 1:3

Dayawon taḵu'ḵ Apudyus we Aman Jesu Kristu we Apu taḵu we siya bos de Apudyusna te gapu si niyossaanan taḵu ḵan siya, innatodna ḵan ditaḵu da losane naispirituwane bindisyune naḻpu'd langit.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Colossians 1:16

Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 10:12

Yaḵon aḵ Kristu, namingpingsane indatunna long-agna para'tta basuḻ taḵu'ḵ inggana. Nagangput ḵad, tummuḵdu si madawinan Apudyus.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,