Ephesians 1:17 - Sa Ugud Apudyus

¹⁷ Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 1:17 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 20:33

Ḵananda ḵan siya, “Apu, pionni ye maḵaila.”

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Luke 12:12

Te sa sadi ye oras, ipaigammun ni Ispiritu Santu da ugudonyu.”

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

John 14:17

Siya Ispiritu Santu we angituttudu ḵan diḵayu si ḵatuttuwaan mipanggob ḵan Apudyus. Da tagu we adipun amati ḵan saḵon, adidapun awaton te adidapun igammu ya immatunan. Yaḵon ḵan diḵayu, igammuyu te awad ḵan diḵayu ya iinggaw ḵan diḵayu.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 15:6

ta an-os-ossaan taḵu we andaydayaw ḵan Apudyus we Aman Jesu Kristu we Apu taḵu.

1 Corinthians 12:8

Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus.

1 Corinthians 14:6

Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna.

1 Corinthians 2:10

Sana impaigammun Apudyus ḵan ditaḵu mipagapu'tte Ispirituna. Te sa Ispiritu Santu igammuna da losane banag taḵon ay da naadaḻome somsomoḵ Apudyus.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

2 Corinthians 12:1

Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop.

Ephesians 1:3

Dayawon taḵu'ḵ Apudyus we Aman Jesu Kristu we Apu taḵu we siya bos de Apudyusna te gapu si niyossaanan taḵu ḵan siya, innatodna ḵan ditaḵu da losane naispirituwane bindisyune naḻpu'd langit.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Ephesians 4:13

inggana'ḵ an-ossaan pammati taḵu ya madog-an an-aawat taḵu ḵan ambubuḻunan taḵu ḵan Kristu we Abeng Apudyus. Ḵad ambalin taḵu'ḵ naangsan si pammati ya sa ugali taḵu miyisu si ḵabaḻun ni ugalin Kristu we naippun nangkurangana.

Philippians 3:15

Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

James 2:1

Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.

2 Peter 1:3

Mipagapu si ḵabooḻan Apudyus, innatodna ḵan ditaḵu da losane ḵasapuḻan taḵu ta unudon taḵu naapudyusane antatagu. Maḵwae unudon taḵu sadi te igammu taḵu we siya namili ḵan ditaḵu mipagapu si mismu we ḵinadayawna ḵan ḵinabaḻuna.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

Revelation 7:12

ḵananda, “Dayawon taḵu, anggappiya taḵu ḵan patgan taḵu'ḵ Apudyus we anserbiyan taḵu ya bigbigon taḵu we siya maḻpuwan ni ḵinadayaw, ḵinalaing ya ḵabooḻan ḵan ḵinapigsa. Amen!”