Ephesians 1:14 - Sa Ugud Apudyus

¹⁴ Ḵad sa annaan ni Ispiritu Santu ḵan ditaḵu, ippun duwaduwanae awaton taḵu si umali ye aḻgaw da losane inkarina ḵan ditaḵu we napuḵayan ta madaydayaw nakaskasdaawe ḵinaapudyusna.

Ephesians 1:14 ပူးပေါင်းရင်းမြစ်များ

Luke 21:28

Pun nu dumatong misaḻdan da annae maḵwa, papigsaonyu da somsomoḵyu te madam-ane subuton Apudyus diḵayu.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Romans 8:23

Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

2 Corinthians 5:5

Aḵ Apudyus nangisagana ḵan ditaḵu si mipasaniyan ni baru we long-ag. Ḵad innatodna Ispirituna ta amanoḵnoḵ ḵan ditaḵu we ittona da losane inkarina.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Ephesians 1:11

Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Ephesians 1:12

ta mipagapu ḵan diḵani ye ummun-una nannamnama ḵan Kristu, madaydayaw ḵinaapudyusna.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.