Ephesians 1:11 - Sa Ugud Apudyus

¹¹ Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Ephesians 1:11 ပူးပေါင်းရင်းမြစ်များ

Acts 13:48

Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Acts 20:27

Te impaigammuḵ ḵan diḵayu da losane pinion Apudyus.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Acts 4:28

Ḵad ḵingwada da ngaimane simsimmoḵnu si awe mipagapu'tte ḵabooḻam ḵan piome maḵwa.

Romans 11:34

Isun ni nigili ye Ugudnae ḵanana, “Awad ḵamman tagu'ḵ angigammu si somsomoḵ Apu? Ḵad awad ḵamman ḵallabbong amagbaga ḵan siya?

Romans 8:17

Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.

Romans 9:11

Te sa daan da sadi ye ḵapile abeng miyanaḵan ya sa daanda angwaan aḵ ambaḻu baḵon nu lawweng, ḵanan Apudyus ḵan Rebecca, “Sa panguḻu anserbi si udidi.” Ḵingwana sanat ta sa panggobna'tte amiliyana'tta tagunae daḵampun aḵ mibatay si ḵingwan di tagu yaḵon mibatay si namiliyana ḵan dida.

Galatians 3:18

Te nu mibatay atod Apudyus si lintog, daḵampun ogon aḵ nibatay si inkarina. Yaḵon sa ḵatuttuwaan, amod de ḵinabaḻu we innatod Apudyus ḵan Abraham te inkarina.

Ephesians 1:14

Ḵad sa annaan ni Ispiritu Santu ḵan ditaḵu, ippun duwaduwanae awaton taḵu si umali ye aḻgaw da losane inkarina ḵan ditaḵu we napuḵayan ta madaydayaw nakaskasdaawe ḵinaapudyusna.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

Ephesians 1:5

inggallapuna simsimmoḵe ambalinon ditaḵu'ḵ abengna mipagapu ḵan Jesu Kristu te siya piniona ya panggobna'tte amalayad ḵan siya.

Ephesians 1:8

ḵan ditaḵu we ippun miyisuwana. Innatodna bos ḵan ditaḵu ḵinalaing ḵan pannakaawat.

Ephesians 1:9

Ḵad allaylayade nangipaigammu ḵan ditaḵu si pinionae adipun nipaigammu si awe ye asi mituttuwa ḵan Kristu.

Ephesians 3:11

Ḵingwan Apudyus ḵaḵnae nibatay atte annanayune planunae asi nituttuwa ḵan Jesu Kristu we Apu taḵu.

Colossians 1:12

Pasig ḵayu anggappiya ḵan Apudyus we Ama taḵu we nangitod ḵan ditaḵu si ḵaḻabbongane maḵatawid atta insaganana'tta losane taguna si ampaddae ampangatana.

Colossians 3:24

Te igammuyu we itton Apu ḵan diḵayu gungunae inkarina'tta taguna te nanserbi ḵayu ḵan Kristu we Apu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

Hebrews 6:17

Ḵad aḵ Apudyus pionae mipaḵaawate ustu'tta anawid si inkarinae adipun paat mabaliwan panggobna. Pun pinanoḵnoḵana gapu'tte ampigsae karinae inusarna mismu we ngadanna.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.