Ephesians 1:10 - Sa Ugud Apudyus

¹⁰ Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Ephesians 1:10 ပူးပေါင်းရင်းမြစ်များ

Matthew 25:32

Ḵad losane tagu si annae luta, andatdatongda si sinagungḵu ya ansinaoḵ didae isun ni angwan ni angayyuwan atta ayame ansinaona da karnero ya da kalding.

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

Ephesians 1:22

Impangatun Apudyus aḵ Kristu ta siya angipangat atta losane banag ya siya bos dinutuḵan Apudyus we pangat da losane namati.

Ephesians 2:15

Te natoy ḵad atte kros, ḵinaanna da ḵasapuḻane maunud atte lintog Moses we adu nigili ye biline para'tta Judyu. Pun sa ambanagan ni ḵingwana'tta duwae grupu we da Judyu ḵan Gentil an-ossaanda mipagapu'tte nangipaḻ-ogana si allin-awaanda.

Ephesians 3:15

we naḻpuwan ni ngadan baḵon nu da losane baḻyan sina'd luta ya ad langit.

Ephesians 3:2

Aaddi ye dingngoḻyu we mipagapu'tte ḵinabaḻun Apudyus, intaḻgodna ḵan saḵon annae ḵewaaḻ ta ambanag atte bumaḻuwanyu.

Colossians 1:16

Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Colossians 1:20

Simsimmoḵna ḵasine mipagapu'tte sanae Abengna, losane awad ad luta ya ad langit nipaḻ-og maḵabuḻbuḻunan Apudyus ḵan dida. Ḵad gapu'tte daḻanae pummoy-as si natoyana'tte kros, maḵalin-awa taḵu ḵan Apudyus.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Hebrews 11:40

Te awad de nabaḻu we planun Apudyus para ḵan ditaḵu losan. Sa planuna, buḻun taḵu didae angawat si inkarina ta ambalinona dida'ḵ ippun angkuranganda.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.