Ephesians 1:1 - Sa Ugud Apudyus

¹ Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Ephesians 1:1 ပူးပေါင်းရင်းမြစ်များ

Luke 16:10

Ḵanan Jesus we namagatup, “Sa mataḻgodane angdon atte aḵit, mataḻgodan atte ad-adu, ḵad sa adipun mataḻgodane angdon atte aḵit, adipun os mataḻgodan atte ad-adu.

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

1 Corinthians 4:12

Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Galatians 3:9

Pun bindisyunan Apudyus da losane namati ye isun ni namindisyunana ḵan Abraham we namati ḵan Apudyus.

Ephesians 1:15

Gapu'tte sadi, inggan ni dingngoḻḵu pammatiyu ḵan Apu Jesus ya sa ayatyu'tta losane dogayu we tagun Apudyus,

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Ephesians 2:13

Yaḵon sinsadi ḵad, gapu si niyossaananyu ḵan Jesu Kristu, diḵayu we adayu si awe, niyadani ḵayu ḵan Apudyus mipagapu si pummoy-asan ni daḻan Kristu si natoyana.

Ephesians 2:6

Ḵad gapu ta niyossaan taḵu ḵan Jesu Kristu we natagu ḵasin, impangatuna bos ditaḵu ta midoga taḵu maḵapangat ḵan Kristu'd langit.

Ephesians 6:21

Ibuunku'ḵ Tychicus ḵan diḵayu ta ipaigammuna da losane maḵmaḵwa ḵan saḵon. Siya osa'tta sunud taḵu ḵan Kristu we ay-ayatoḵ ya mataḻgodane sammilu ḵan Apu.

Colossians 1:2

Annaya suḻatni ḵan diḵayu we tagun Apudyus ya mataḻgodane susunudni ḵan Kristu ad Colossae. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu.

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.