Colossians 4:11 - Sa Ugud Apudyus

¹¹ Aḵ Jesus we nangngadan aḵ Justus pakumustaona bos diḵayu. Abus da annae tuḻu we namati ye Judyu aḵ bummadang ḵan saḵon atte nangiwaḻagawaganni si mipanggob atte ampangatan Apudyus. Ḵad dida amapigsa'tte somsomoḵḵu.

Colossians 4:11 ပူးပေါင်းရင်းမြစ်များ

Acts 10:45

Nataag da namati ye Judyu we nibuḻun ḵan Peter te taḵon ay da Gentil naatod Ispiritu Santu ḵan dida.

Acts 11:2

Nipauli ḵad aḵ Peter ad Jerusalem, sinamḵuy da namati ye Judyu.

Romans 16:3

Pakumustaonyu da Priscilla we an-asawa ḵan Aquila, dida buḻunḵu we anserbi ḵan Jesu Kristu.

Romans 4:12

Ḵad siya nambalin aḵ aman da losane Judyu we nasogyatan ya inunudda bos pammatin Abraham atte daanna masogyatan.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Ephesians 2:11

Pun diḵayu we niyanaḵe Gentil, sosomḵonyu oḵyane sa awe, potogon da Judyu diḵayu te adiyupun inunud ugalida mipanggob si sogyat. Isḵaḻdae dida da tagun Apudyus gapu'tte sanae ugali mipanggob si sogyat. Yaḵon sa ḵatuttuwaan, sa sogyat abuse ḵoon da tagu'tta long-agda.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

Colossians 4:7

Aḵ Tychicus angipaigammu ḵan diḵayu'tta losane naḵwa ḵan saḵon. Ḵad siya osa'tta sunud taḵu ḵan Kristu we ay-ayatoḵ ya buḻunḵu we mataḻgodane sammilun Apu.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

1 Thessalonians 3:7

Pun susunudḵu ḵan Kristu, taḵon ay nu adu da naḵwae lawweng ḵan ampaḵaḻamanni, naliwliwa ḵani gapu'tta pammatiyu.

Titus 1:10

Te adu da tagu we adipun amati ye adidapun tumuttuwa'tta anna ḵaḻabbonganda ya angallelaw atta asintataguda'tta tuttudu we naippun paat patogda, amod ay grupun da namati ye Judyu we angipatut atte mipanggob si sogyat.

Philemon 1:1

Saḵon aḵ Paul we nibabaḻud gapu si nanserbiyaḵ ḵan Jesu Kristu. Aḵ Timothy ye sunud taḵu ḵan Kristu buḻunḵu sina. Annaya suḻatni ḵan siḵa Philemon we ay-ayatonni ye buḻbuḻun ya buḻunni ye anḵewaaḻ.

Philemon 1:24

Isuna bos atta buḻunḵu we anḵewaaḻe da Mark, Aristarchus, Demas ya aḵ Luke.