Colossians 3:8 - Sa Ugud Apudyus

⁸ Yaḵon sinsadi, ḵasapuḻane adiyu ḵoon da sana. Adi ḵayu ansasanga, adi ḵayu ansomsomoḵ aḵ ampaḵaḻaman da buḻunyu ya adiyu an-ugudan aḵ lawweng da udume tagu.

Colossians 3:8 ပူးပေါင်းရင်းမြစ်များ

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Mark 7:22

andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og.

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

Galatians 5:15

Yaḵon nu isuyu da anggagangoḻe asu, ummanyu te ambanag atte an-asidadail ḵayu.

Galatians 5:20

Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada.

Galatians 5:26

Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.

Ephesians 4:22

Pun ḵasapuḻane ḵaanonyu da dadaane ugaliyu we nangidaḻan atte biyagyu we angwa'tte pinion ni long-ag. Sanat dadaane ugaliyu we angallelaw ya anadail ḵan diḵayu.

Ephesians 4:25

Pun adi ḵayu ogon antultulli, abus ḵatuttuwaan aḵ ibagayu'tta buḻunyu te nidoga taḵu losan atte long-ag Kristu.

Ephesians 4:26

Nu sumanga ḵayu, adiyu iyunude siya bumasuḻanyu. Ḵad adiyu iyaḻ-aḻgawe sumanga,

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

Ephesians 5:4

Adipun os mibagay ḵan diḵayu ḵaissaw an-uugudyu ya dinodong-og an-uugudyu we ippun anuna yaḵon siya oḵyan ḵoonyu anggappiya ḵayu ḵan Apudyus.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Colossians 3:9

Adi ḵayu an-asituli te inabusyu ḵinaan dadaane ugaliyu,

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

James 2:7

Daḵampun ḵamman aḵ dida da an-ugud atta misullagi si madaydayawe ngadan Jesus we nidog-an taḵu?

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 2:7

Yaḵon aḵ Lot we naḵaumili ḵan dida, tinagun Apudyus te sa sanate naun-unane tagu inaḻgawe nasaliduduwan gapu'tte ḵababbain ḵan ḵingwan da ḵailiyanae innilana ḵan dingngoḻna.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.

Jude 1:8

Yaḵon ḵatti isun ni ḵoon da daḵampun aḵ tuttuwae mistulu. Nipaigammu ḵan dida'tta in-inopdae ḵoonda lawweng. Pun maḵabasuḻda si angadaḻuganda'tta daḵampun aḵ asawada, adidapun bigbigon ḵaḻabbongan Apudyus ya an-ugudda'ḵ lawweng atta madaydayawe anghel.

Revelation 16:9

Yaḵon taḵon ay nu naatunganda si ḵaog-ogyate atungna, amo nan-ugudanda'ḵ lawweng ngadanna. Adidapun imbabawi da basuḻda ya adidapun iyyagaye nangwa ya adidapun binigbig ḵinangatun Apudyus we anna ḵabooḻana'tta sanae ampaḵimute ampaḵaḻaman.