Colossians 3:5 - Sa Ugud Apudyus

⁵ Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Colossians 3:5 ပူးပေါင်းရင်းမြစ်များ

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Romans 1:26

Sana gapunae iwwaḻang Apudyus dida ta ḵoonda da ḵababbaine pion da long-agda. Te da udume bubai itanungda adaḻugon da asimbubaidae daḵampun oḵyan aḵ maḵwa.

Romans 1:29

Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 7:23

Yaḵon sa basuḻe angituray atte long-agḵu, siya bumusuḻ si somsomoḵḵu we anuttuwa si lintoge pinion Apudyus. Ḵad sa basuḻe nangituray ḵan saḵon, nambalinonaḵ aḵ baḻud.

Romans 7:5

Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

1 Corinthians 5:1

Awad de dingngoḻḵu we awad ḵanu osa ḵan diḵayu we nangwa'tte ḵababbaine taḵon ay da pagano adidapun patut ḵoon ḵaḵnat. Te dinagdagasana pigwae asawan amana.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

1 Corinthians 6:18

Pun adiyu adaḻugon da daḵampun aḵ asawayu. Ḵad adayuwanyu da ḵassadi ye basuḻ te amo sillumaweng nu sa udume kalasin da basuḻ. Da udume basuḻ daḵampun aḵ dumadail si long-ag yaḵon sa angadaḻug atte daḵampun aḵ asawana, dadailona bos long-agna ya isuna bose maḵabasuḻe mismu atte long-agna.

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 4:19

Ippun ogon igammudae bumain te ngaimane pion ni long-agdae ḵaissaw ya ḵababbain, adidapun agaye angwa.

Colossians 2:11

Ḵad gapu'tte niyossaananyu ḵan siya, isunan nasogyatan ḵayu. Daḵampun atte sogyate ḵingwan di tagu yaḵon sa sogyate ḵingwan Kristu, isunan sinogyatan diḵayu si nangaanana'tta ugaliyu.

1 Thessalonians 4:3

Te sana pinion Apudyus, mitotoḵḵon ḵayu'ḵ taguna ta bumaḻu ugaliyu. Pun adi ḵayu angwa'tta ḵababbain ya da lawwenge ḵoḵoḵḵon.

1 Thessalonians 4:5

Daḵampun oḵyan aḵ siya unudonyu pipion ni long-agyu we isun ni ḵoon da Gentil we adipun angigammu ḵan Apudyus.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

Hebrews 12:16

Ḵasapuḻane naippun oḵyan osa ḵan diḵayu'ḵ angwa'tte ḵababbain ya miyisu ḵan Esau we adinapun pinatgan da nasantuwane banag woḵ ingnginana ḵalintoganae panguḻu we abeng gapu si sinḵaḵanan.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

Hebrews 13:5

Adiyu ḵamommodon adu we pilaḵ. Mat-op ḵayu oḵyan atta awad ḵan diḵayu. Te ḵanan Apudyus, “Aaddi ye adiḵpun paat diḵayu tenan baḵon nu iwaḻang.”

James 4:1

Annaya ud imusoḵ, ngai gapun ni ampapatoyanyu ḵan ansusuboganyu? Daḵampun ḵamman aḵ sa amaamayonyu gumulu si ambaḻu we somsomoḵyu?

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”