Colossians 3:25 - Sa Ugud Apudyus

²⁵ Ngaimane angwa'ḵ lawweng, subalitan Apudyus si ustu we ḵadusaana te naippun tagu'ḵ laḵsigon Apudyus nu anḵuwis.

Colossians 3:25 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Luke 20:21

Pun ḵananda ḵan Jesus, “Mistulu, igammuni ye tuttuwa losan da ibagam ya ustu da ituttudum. Ḵad igammuni bose ippun laḵlaḵsigom aḵ tagu te siya ituttudum ḵatuttuwaan mipanggob si pinion Apudyus we ḵoon da tagu.

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Romans 2:11

Te aḵ Apudyus ḵad ippun laḵsigona nu anḵuwis.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

Ephesians 6:8

Te igammuyu we gungunaan Apu da losane tagu'tta ambaḻu we ḵoonda taḵon ay nu musassu baḵon nu daḵampun.

Ephesians 6:9

Ḵan diḵayu bose ap-apuwonda, ḵasapuḻan ose ambaḻu ḵayu'tta musassuyu. Adiyu ḵoḻḵogon dida te igammuyu we sa antotollong Apuyu ad langit, an-iisu ḵayu'tta musassuyu ḵad ippun laḵsigona'ḵ tagu.

Colossians 4:1

Diḵayu ḵade ap-apuwon da musassu, ḵoonyu da ustu ya da ambaḻu ḵan dida te igammuyu we awad os apuyu'd langit.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

2 Thessalonians 1:6

Ustu inon Apudyus we anḵuwis te da tagu we namaḵaḻam ḵan diḵayu, ampaḵaḻamona bos dida.

Philemon 1:18

Nu awad basuḻna baḵon nu utangna ḵan siḵa, saḵon ansingilam.

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.