Colossians 3:17 - Sa Ugud Apudyus

¹⁷ Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Colossians 3:17 ပူးပေါင်းရင်းမြစ်များ

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

1 Corinthians 10:31

Yaḵon sa ibagaḵ ḵan diḵayu, da losane ḵoonyu taḵon ay angananyu ḵan uminumanyu ḵoonyu'ḵ madayawan Apudyus.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 5:20

Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

Colossians 1:12

Pasig ḵayu anggappiya ḵan Apudyus we Ama taḵu we nangitod ḵan ditaḵu si ḵaḻabbongane maḵatawid atta insaganana'tta losane taguna si ampaddae ampangatana.

Colossians 2:7

Sa pammatiyu ḵan siya, isunan lummamute ḵayu baḵon nu isun ni boḻoye nataḵade sa aliḵina ampagdopagdot. Unudonyu bos da nituttudu mipanggob ḵan siya ta da pammatiyu pumigsada ya pasig ḵayu anggappiya ḵan Apudyus.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.

Colossians 3:23

Ngaimane ḵoonyu, iggayu ḵabooḻanyu we angwae isun di aḵ Apu anserbiyanyu we daḵampun atta tagu.

1 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus.

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

Hebrews 1:5

Te naippun paat nangibag-an Apudyus atta ngaimane anghelna'tte isun ni imbagana'tte Abengna we ḵanana, “Siḵa we Abengḵu, inggana sinsadi saḵon Amam.” Naippun os anghel aḵ nangibag-an Apudyus we ḵanana, “Saḵon Amam ya siḵa Abengḵu.”

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.