Colossians 2:8 - Sa Ugud Apudyus

⁸ Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

Colossians 2:8 ပူးပေါင်းရင်းမြစ်များ

Matthew 10:17

Ḵad ummanyu bos te doḵmaanda ḵan idaḻum diḵayu'tta ḵuḵunsisaḻ ya ap-apliton diḵayu'tta sinagogada.

Matthew 16:6

Ḵanan Jesus ḵan dida, “Ummanyu ta adi ḵayu maalisan atte yeast da Pharisee ya da Sadducee.”

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

1 Corinthians 10:12

Pun ngaimane ḵananae ampigsa pammatina ya adipun masulisug, ummana ta adi bumasuḻ.

1 Corinthians 8:9

Yaḵon ḵasapuḻane umman taḵu wayawaya taḵu ta daḵampun oḵyan aḵ siya maḵabasuḻan ni buḻun taḵu we anḵuya somsomoḵna.

2 Corinthians 10:5

Dadailonni da gapun ni ansosongbatan da ngaimane ampasindayawe anupod atte angigammuwan da tagu si mipanggob ḵan Apudyus. Ḵad pasantanni da losane somsomoḵ ta tuttuwaonda'ḵ Kristu.

Galatians 1:14

Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.

Galatians 4:3

Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Galatians 5:15

Yaḵon nu isuyu da anggagangoḻe asu, ummanyu te ambanag atte an-asidadail ḵayu.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

Ephesians 4:20

Yaḵon ḵan diḵayu, daḵampun aḵ sana da inadaadaḻyu si mipanggob ḵan Kristu,

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Philippians 3:2

Ummanyu'tta tagu we lawweng da ḵoonda, ipaniḵ dida'tta nadiwase asu te sumusullagida'tte Ambaḻu we Damag. Ipatutdae nu adi masogyatan laḻaḵi, adipun matagu.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

Colossians 2:22

Da sanae ug-ugali mipanggob ay lawa'tta banage maḻaḵpuse isun da maḵane mawawanda. Sa naḻpuwan da bilin ya da tuttudu, ḵasomsomḵan da tagu.

Colossians 2:23

Sa annae lintog ambaḻu te da angunud ipapuutdae angidaydayaw atta anghel ḵad ipakumbabada da long-agda ta tuttuwaonda da ug-ugalida ḵad ampaḵaḻamonda da long-agda. Yaḵon naippun anun da sanae bilin te da tagu adidapun maḵatupod si pion ni long-agda.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

Hebrews 3:12

Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

1 Peter 1:18

Te igammuyu we sinubutna diḵayu ta mapuḵayan ḵayu si ippun anunae antatagu we tinawidyu'tta danaḵḵoḻyu. Ḵad sa insubutna ḵan diḵayu daḵampun aḵ pilaḵ baḵon nu buḻawane maḵwae madadail,

2 Peter 3:17

Diḵayu ḵade ay-ayatoḵe buḻbuḻun, inabusḵu imbagabaga ḵan diḵayu mipanggob atta tagu we angituttudu si daḵampun aḵ tuttuwa. Pun ummanyu ta adi ḵayu maallelaw si nankamaliyanda ya uni ḵad umadayu ḵayu si ampigsae pammatiyu,

2 John 1:8

Ummanyu ta adiyu taḻaḵon da ḵinewaaḻyu yaḵon gun-udonyu da losane gunguna.