Colossians 2:7 - Sa Ugud Apudyus

⁷ Sa pammatiyu ḵan siya, isunan lummamute ḵayu baḵon nu isun ni boḻoye nataḵade sa aliḵina ampagdopagdot. Unudonyu bos da nituttudu mipanggob ḵan siya ta da pammatiyu pumigsada ya pasig ḵayu anggappiya ḵan Apudyus.

Colossians 2:7 ပူးပေါင်းရင်းမြစ်များ

Luke 6:48

Isuna tagu we nantaḵad aḵ boḻoy. Ḵummaub aḵ adaḻom atte luta inggana'ḵ indasana batu woḵ insaadna boḻoyna. Lummitap ḵad, tinupaḵan ni danum boḻoyna, adipun paat nagitot te nagagaaman nisaadana.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

1 Corinthians 1:8

Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

2 Corinthians 1:21

Aḵ Apudyus amapigsa si pammati taḵu ḵan Kristu. Ḵad dinutuḵana ditaḵu'ḵ anserbi ḵan siya.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Ephesians 4:21

te dingngoḻyu mipanggob ḵan siya ya nituttudu ḵan diḵayu ḵatuttuwaane maḻpu ḵan Jesu Kristu.

Ephesians 5:20

Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

Jude 1:12

Sa midog-anda ḵan diḵayu nu angan ḵayu ḵan ankumulgar ḵayu dumimoḵda. Ippun paat bainda, lawotda ḵan bartekeroda te sa long-agdae abus sosomḵonda. Mipanida'tta libuu we mibibbibbide ippun udanda. Isuda bos ḵayu we adipun amunga si ustu we amungaana baḵon nu sa ḵayu we naḻangu ya nabagut.

Jude 1:20

Yaḵon ḵan diḵayu we ay-ayatoḵe buḻbuḻun, papigsaonyu da pammatiyu ḵan Apudyus. Ḵad alluwaḻu ḵayu'tte ḵabooḻan ni Ispiritu Santu.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.