Colossians 2:5 - Sa Ugud Apudyus

⁵ Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

Colossians 2:5 ပူးပေါင်းရင်းမြစ်များ

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 14:40

Yaḵon ilanyu bos ta losane ḵoonyu, ustuustu ḵan nauḻnus.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

Colossians 2:1

Te pioḵe ipaigammu we inniggaḵ ḵabooḻaḵe anḵewaaḻ para ḵan diḵayu we iColossae ya iLaodicea ya da losane daampun angila ḵan saḵon,

1 Thessalonians 2:17

Yaḵon sa sin-aḵitane nisinaanni ḵan diḵayu susunudḵu ḵan Kristu, amod de ayuni ya pasigni sosomḵon diḵayu. Pun pinadasni ḵabooḻanni ye mipauli ta an-asiila taḵu ḵasin.

1 Thessalonians 3:8

Te sinsadi, napabaru biyagni si inigammuni ye sissiyae itataḵdogyu pammatiyu ḵan Apu.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

Hebrews 6:19

Ḵad sa annae namnama taḵu, siya amapagdot si pammati taḵu te aaddi ye mituttuwa. Gapu'tte namnama taḵu, isu taḵun naganggangput nillumnoḵ si gattoḵe igaw Apudyus we isun ni nillumnoḵan ni ḵangatuwane padi si Ḵasantuwane kuwartun ni templo we boḻoy Apudyus we natalingdan si kortina.

1 Peter 5:9

Sagangonyu'ḵ Satan mipagapu si ampigsae pammatiyu. Te igammuyu we sa mapadasanyu we ampaḵaḻam, isuna bos ampaḵaḻamane mapadasan da susunudyu ḵan Kristu si intero we lubung.