Colossians 2:15 - Sa Ugud Apudyus

¹⁵ Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

Colossians 2:15 ပူးပေါင်းရင်းမြစ်များ

Matthew 12:29

Ḵanan os Jesus we nangipani, “Aḵ Satan ḵad, mipani si tagu we maasngaan te naippun maḵaaḵaw atta ḵuḵuwana nu adina unaon baḻudon ya asinaot itallay dida.

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

Luke 11:22

Yaḵon nu dumatong naḵosḵosdoḻ nu siya, maḵapatoy ya oḻgona ta aḻana da aggomnae antaḻgodana ya da ḵuḵuwana. Ḵad iwaḻasna'tta buḻunna.

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

John 19:30

Sinusup ḵad Jesus ḵilom ḵanana, “Naganggangput.” Pun nayyung-ut woḵ natoy.

1 Corinthians 15:24

Ḵad nu dumatong anungus da losan, oḻgon Kristu da losane pangat, ḵaḻabbongan ḵan ḵabooḻan ḵad ipuḻangna ampangatana ḵan Apudyus we Amana.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Ephesians 3:10

Sadi panggob Apudyus we mipagapu ḵan ditaḵu we namati, igammuwon da losane adipun mailae ampangat ya anna ḵabooḻanda ḵinalaing Apudyus we nipaila si nansabasabali ye inon.

Ephesians 4:8

Annaya impaigilin Apudyus si mipanggob ḵan Kristu we ḵanana, “Nipangatu ḵad ad langit, intallayna da aduadu we baḻud ya innatodna da ḵabooḻan atta taguna.”

Ephesians 6:12

Te daḵampun aḵ tagu da ḵabusuḻ taḵu yaḵon da losane kalasin di ispiritu we adipun mailae angipangat atta tagu sina'd lutae sissiya si pongot ya da udume awad ad langite lawweng.

Colossians 1:16

Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Colossians 2:10

Ḵad gapu si niyossaananyu ḵan Kristu we pangat da losane pangat ya ḵaḻabbongan, naatod da losane awad ḵan diḵayu ta ippun angkuranganyu.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.