Colossians 2:14 - Sa Ugud Apudyus

¹⁴ Ḵaḵna ḵingwan Apudyus. Ḵinaanna listaan da basuḻ taḵu gapu'tte nilisalis taḵu bilin Moses woḵ impattoḻna'tte kros. Sa piona ḵanan, mipagapu'tte natoyan Jesus atte kros, ḵinaanna da basuḻ taḵu. Pun naippun ogon lasunnae anusa ḵan ditaḵu.

Colossians 2:14 ပူးပေါင်းရင်းမြစ်များ

Luke 1:6

Naun-unandae an-asawa'tte antotollong Apudyus ya ippun nangkuranganda si nanuttuwaanda'tta losane lintogna ya sa tuttuduna.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

2 Thessalonians 2:7

Te sa nalimode ḵabooḻan ni ḵaḻawengan, nagangpute impasullagina'tta tagu'ḵ Apudyus yaḵon aditaḵupun yan igammu ḵoona si umali ye aḻgaw inggana'ḵ maḵaan anutuppod ḵan siya.

Hebrews 7:18

Pun niwalin dadaane lintog te anḵuya ya naippun anuna.

Hebrews 8:13

Sa imbagan Apudyus mipanggob si Baru we Tuḻag, imbelangna ummunae tuḻag aḵ dadaan. Ḵad ngaimane dadaan ya ippun serbina mawawan.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.