Colossians 1:9 - Sa Ugud Apudyus

⁹ Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

Colossians 1:9 ပူးပေါင်းရင်းမြစ်များ

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Acts 12:5

Pun aḵ Peter inninggaw si babaḻḻudan yaḵon impapatin da namati ye nangiluwaḻu ḵan siya.

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

Ephesians 1:8

ḵan ditaḵu we ippun miyisuwana. Innatodna bos ḵan ditaḵu ḵinalaing ḵan pannakaawat.

Ephesians 5:10

Padasonyu oḵyan adaḻon da mas-oman Apu ya ḵoonyu dida.

Ephesians 5:17

Pun adi ḵayu oḵyan andongdong-og yaḵon siya somsomḵonyu da pinion Apu we ḵoonyu.

Ephesians 6:6

Daḵampun ay aḵ asi ḵayu pumangog si annae antotollong da ap-apuwonyu ta piga gay nu maḻyadanda ḵan diḵayu yaḵon ibelangyu we sammilu ḵayu ḵan Kristu ya sipupusu ḵayu oḵyane angwa'tte pinion Apudyus.

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 5:17

patilayun ḵayu alluwaḻu,

2 Thessalonians 1:11

Pun patilayune iluwaḻuwanni diḵayu ta ambalinon Apudyus diḵayu'ḵ tagu we mibagay si namiliyana ḵan diḵayu. Ituttuwana oḵyan pos da losane ambaḻu we panggobyu ya da losane ḵingwayu ya da pammatiyu gapu'tte ḵabooḻana.

Philemon 1:4

Sunude Philemon, pasigaḵ anggappiya ḵan Apudyus atte iboswayḵu ḵan iḵagasmoḵḵu siḵa nu alluwaḻuwaḵ,

Philemon 1:6

Ilulluwaḻuḵe sa ambubuḻunan taḵu'tte pammati, ambanag oḵyan si naadaḻome an-aawat atta losane bindisyune anna ḵan ditaḵu gapu si pammati taḵu ḵan Kristu.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 Peter 2:15

Te pinion Apudyus we ḵoonyu da ambaḻu ta guminoḵ da andongdong-oge tagu we an-uguugud atta ippun anuna.

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

1 John 2:17

Ḵad da tagu we adipun amati ya da losane amaamayonda ampatinggada yaḵon da angwa'tta pinion Apudyus, anna ḵan dida biyag aḵ inggana.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.