Colossians 1:7 - Sa Ugud Apudyus

⁷ Inadaḻyu anna ḵan Epaphras we ay-ayatonni ye buḻun ya mataḻgodane anserbi ḵan Kristu we angiyugud ḵan diḵani sinat,

Colossians 1:7 ပူးပေါင်းရင်းမြစ်များ

Matthew 18:29

“Ḵanan ni doganae sammilu we nautangan ḵan siyae nanalluḵu ya nandagdagu, ‘Unniyan ḵappos, asiḵ bayadan nu awad ibayadḵu.’

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

1 Corinthians 7:25

Sa mipanggob atta daampun angasawa, naippun bilinḵu ḵan diḵayu'ḵ naḻpu ḵan Apu. Yaḵon ibagaḵ ḵasomsomḵaḵ te mataḻgodanaḵ mipagapu'tte ḵadaguna ḵan saḵon.

2 Corinthians 11:23

Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

Ephesians 5:21

Sa osa bos an-asipakumbaba ḵayu gapu si angisipoganyu ḵan Kristu.

Philippians 2:25

Simsimmoḵḵu bose ḵasapuḻane paoyonoḵ aḵ Epaphroditus we sunud taḵu ḵan Kristu we buḻunḵu si ḵewaaḻ ya buḻunḵu bose angitaḵdoḻ atte Ambaḻu we Damag atta sumullagi. Siya imbuunyu'ḵ bumadang ḵan saḵon atta ḵasapuḻaḵ,

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 4:7

Aḵ Tychicus angipaigammu ḵan diḵayu'tta losane naḵwa ḵan saḵon. Ḵad siya osa'tta sunud taḵu ḵan Kristu we ay-ayatoḵ ya buḻunḵu we mataḻgodane sammilun Apu.

Colossians 4:9

Maḵaoy aḵ Onesimus ḵan siya, sa ay-ayaton ya mataḻgodane sunud taḵu ḵan Kristu we osa ḵan diḵayu. Sana da duwae umoy angibaga ḵan diḵayu'tta losane maḵmaḵwa sina.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

Philemon 1:23

Aḵ Epaphras buḻunḵu we baḻud gapu si anserbiyana ḵan Jesu Kristu, pakumustaona siḵa.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 3:2

Aḵ Jesus mataḻgodane angwa'tta losane ipaḵwan Apudyus we nandutuḵ ḵan siya. Isuna bos ḵan Moses si awe ye mataḻgodane anserbi'tta losane tagu we namati ḵan Apudyus.