Colossians 1:16 - Sa Ugud Apudyus

¹⁶ Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Colossians 1:16 ပူးပေါင်းရင်းမြစ်များ

John 1:10

Inninggaw si lubung ya mipagapu ḵan siya, naḵwa lubung yaḵon adimpun da tagu immatunan nu ngai'ḵ siya.

John 1:3

Mipagapu ḵan siya ḵingwan Apudyus da losan. Naippun naḵwa nu adi gapu ḵan siya.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Romans 8:38

Ḵad aaddi ye naippun ḵallamog maḵaisina'tte ayatna ḵan ditaḵu. Te taḵon ay nu matoy taḵu baḵon nu matattagu taḵu, ay-ayatona ditaḵu. Taḵon ay da anghel, da aḻan, da turaye adipun maila, da maḵwa ḵan ditaḵu sinsana ya sa umali ye aḻgaw ya da ḵabooḻan.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Ephesians 6:12

Te daḵampun aḵ tagu da ḵabusuḻ taḵu yaḵon da losane kalasin di ispiritu we adipun mailae angipangat atta tagu sina'd lutae sissiya si pongot ya da udume awad ad langite lawweng.

Philippians 2:10

ta madayaw. Te analluḵu da losan ta andayawda ḵan Jesus, losane awad ad langit, ad luta ya da awad ad daḻom si luta.

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Colossians 1:20

Simsimmoḵna ḵasine mipagapu'tte sanae Abengna, losane awad ad luta ya ad langit nipaḻ-og maḵabuḻbuḻunan Apudyus ḵan dida. Ḵad gapu'tte daḻanae pummoy-as si natoyana'tte kros, maḵalin-awa taḵu ḵan Apudyus.

Colossians 2:10

Ḵad gapu si niyossaananyu ḵan Kristu we pangat da losane pangat ya ḵaḻabbongan, naatod da losane awad ḵan diḵayu ta ippun angkuranganyu.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Hebrews 2:10

Ustu'ḵ Apudyus we nangwa ḵan nangayyuwan atta losan ḵad ḵingwana'ḵ Jesus aḵ gattoḵe pangat mipagapu'tte nampaḵaḻamana te pionae adu da ambalin aḵ abengna ta midogada si ḵinangatuna. Te aḵ Jesus angidaḻan ḵan dida si mataguwanda.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.