Colossians 1:15 - Sa Ugud Apudyus

¹⁵ Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Colossians 1:15 ပူးပေါင်းရင်းမြစ်များ

John 1:1

Sa daan ni lubung maḵwaan, gagangaye inninggaw Ugud. Sa Ugud inninggaw ḵan Apudyus ya siya Apudyus.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 14:9

Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Philippians 2:6

Te awad ḵan siya gattoḵe ḵinaapudyus Apudyus, adinapun imbelange mipangtad long-agna ḵan Apudyus aḵ mausar para'tte bumaḻuwana

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

1 Timothy 1:17

Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

1 Timothy 6:16

Ḵad adipun paat matoy ya ippun tagu'ḵ maḵaadani ḵan siya te ummamdan silingna. Naippun paat tagu'ḵ nangila baḵon nu maḵaila ḵan siya. Madaydayaw oḵyan ya siya ampangat aḵ inggainggana. Amen.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 1:6

Anna ḵade madam-an angibuunan Apudyus si annae lubung atte Abengna we anna saadna'tta losane isun di panguḻu, ḵanana, “Ḵasapuḻane losan atta anghel Apudyus analluḵudae andayaw ḵan siya.”

Hebrews 11:27

Gapu si pammati, tinenan Moses ad Egypt we adinapun iyyogyat sangan ni ari. Inanusanae nampaḵaḻam te isun di innilana'ḵ Apudyus we adipun maila.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.