Acts 9:40 - Sa Ugud Apudyus

⁴⁰ Yaḵon pinaḻawan Peter dida losan woḵ nanalluḵu we nalluwaḻu. Naabus ḵad, nansagung si natoy woḵ ḵanana, “Tabitha, bumangonḵa.” Pune sadi, nandiyat woḵ innilana ḵad aḵ Peter, tummuḵdu.

Acts 9:40 ပူးပေါင်းရင်းမြစ်များ

Matthew 6:6

Yaḵon nu alluwaḻu ḵayu, lumnoḵ ḵayu si kuwartuyu ya iyyonobyu sawang ḵad alluwaḻu ḵayu ḵan Ama we adipun maila. Ḵad ḵan siyae angitotollong si milammonge ḵoonyu, gungunaana diḵayu.

Matthew 9:25

Yaḵon pinaḻawan ḵad Jesus dida, nillumnoḵ atte kuwartun ni abeng woḵ innonnana imana, pun nabanangon.

Mark 9:25

Innilan ḵad Jesus we aduadu da tagu we sintotoddaḵe ummoy ḵan siya, sinuppaḵana aḻan woḵ ḵananae namaḻyaw, “Siḵae aḻane nangwa si natuḻongan ḵan naumoḻan ni annae abeng, lumawaḵa ya adiḵa ogon lumnoḵ ḵan siya.”

Luke 22:41

Pun bummattawa'ḵ Jesus ḵan dida si isun ni tayud ni mibintuge batu, nanalluḵu woḵ nalluwaḻu.

Luke 8:54

Yaḵon innonnan Jesus iman ni babaḻasang woḵ ḵanana, “Abeng, bumangonḵa!”

Acts 20:36

Imbagan ḵad ay Paul sadi, nanalluḵuda losan woḵ nalluwaḻu'ḵ Paul.

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Acts 28:8

Niyaspuḻ ose an-atung ḵan napitut aman Publius. Pun ummoy Paul innila woḵ illuwaḻuwana, impatayna da imana ḵan siya woḵ naḵaan saḵitna.

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.