Acts 9:39 - Sa Ugud Apudyus

³⁹ Pun nallibbat aḵ Peter woḵ nibuḻun ḵan dida. Dummatongda ḵad, impuyutda'tte ngatu we kuwartu we igaw ni natoy. Sin-iibil da losane baḻu we sisiḵad si daḻnig Peter woḵ ipailada ḵan Peter da langgoyod ya da udume silupe ḵingwan Dorcas si inninggawana ḵan dida.

Acts 9:39 ပူးပေါင်းရင်းမြစ်များ

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 26:11

Te da ḵapus pasige awadda'tta dinumane inggawanyu. Yaḵon ḵan saḵon, daḵampun aḵ pasige annaaḵ ḵan diḵayu.

Mark 14:8

Ḵingwana ḵaḻabbongana. Inisigna bangbanglu si long-agḵu ta misagana'tte milibonaḵ.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 12:8

Ḵad da ḵapus, pasigda anna ḵan diḵayu yaḵon saḵon ḵad, daḵampun aḵ pasigaḵ anna ḵan diḵayu.”

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

Acts 1:13

Dummatongda ḵad ad Jerusalem, ummoyda si ngatu we kuwartun ni boḻoye inggawanda. Da inninggaw ḵad aḵ Peter, John, James, Andrew, Philip, Thomas, Bartholomew, Matthew, James we abeng Alphaeus ya aḵ Simon we ngannonda Angitaḵdog si ilina ya aḵ Judas we abeng James.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Acts 8:2

Inggaw da udume naapudyusane tagu we ummoy nangilibon ḵan Stephen woḵ amod pagay ibildae nangidomdom ḵan siya.

Acts 9:41

Innonnan Peter imana woḵ pinataḵdogna. Pun inayagana da sadi ye baḻu ya da udume tagun Apudyus woḵ impailana ḵan dida'ḵ Dorcas we natagu.

2 Corinthians 8:12

Te nu allaylayad ḵayu we angitod, allaylayad os aḵ Apudyus we angawat atta sadi ye badangyu sigun si lamogyu itton. Adinapun namnamaone ittonyu adiyupun lamog.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

1 Timothy 5:3

Sa mipanggob atta baḻu, patgam ya badangam dida nu naippun sunudda'ḵ angayyuwan ḵan dida.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.