Acts 9:38 - Sa Ugud Apudyus

³⁸ Pun dingngoḻ ḵad da namati ye awad aḵ Peter ad Lydda we adanina'd Joppa, nambuunda'ḵ duwae laḻaḵi aḵ umoy angayag ḵan siya woḵ ḵanandae nandagdagu, “Agagam ḵappos ta intaḵu'd Joppa.”

Acts 9:38 ပူးပေါင်းရင်းမြစ်များ

Acts 10:5

Pun sinsadi, angibuunḵa'ḵ umoy ad Joppa angayag ḵan Simon we nangngadan aḵ Peter.

Acts 10:8

Imbagana ḵan dida da losane naḵwa woḵ imbuunna dida'd Joppa.

Acts 11:13

Imbagana ḵan diḵani inonae nangila si anghel we sisiḵad atte boḻoyna woḵ ḵanana, ‘Angibuunḵa'd Joppa aḵ umoy angayag ḵan Simon we ngannonda Peter.

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 11:5

Ḵanana, “Inninggawaḵ ḵad ad Joppa we nalluwaḻu, inggaw impailan Apudyus we isun di in-inop ḵan saḵon. Innilaḵ aḻwae lupute nipadoḻae naḻpu'd langite nataḵodan da opate dugyuna woḵ nibadong atte adani ḵan saḵon.

Acts 9:19

Nangan ḵad pummigsa. Pun naḵaigaw aḵ Saul atta namati'd Damascus atte adu we aḻgaw.

Acts 9:32

Aḵ Peter ḵad, ummoyna binisita da tagun Apudyus atta ḵinailin di ili. Pun dummatong ḵad ad Lydda,

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

Acts 9:42

Nandinongoḻ annae naḵwa'tta losane ili'd Joppa woḵ adu da namati ḵan Apu Jesus.

Acts 9:43

Inninggaw aḵ Peter ad Joppa si adu we aḻgaw si boḻoy Simon we sa anḵoḵopya'ḵ laḻat.