Acts 9:31 - Sa Ugud Apudyus

³¹ Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Acts 9:31 ပူးပေါင်းရင်းမြစ်များ

Acts 12:24

Yaḵon napagatupan niyasaḵ Ugud Apudyus woḵ ummaduadu da namati.

Acts 16:5

Pun pummigsa pammatin da namati atta gimung ḵad inaḻgawe madog-adog-anda.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Acts 5:11

Pun da losane namati ya da losane nangngoḻ atte naḵwa, amod pagay ḵimutda.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 8:1

Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

1 Corinthians 14:12

Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

2 Corinthians 10:8

Te taḵon ay nu isun di natuḻ-ayan aḵ aḵit inoḵe nangiyisḵaḻ si mipanggob atte ḵaḻabbonganni ye innatod Apudyus ḵan diḵani ta papigsaonni pammatiyu ya daḵampun aḵ maḵadadail ḵan diḵayu, adiyaḵpun mabain.

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Ephesians 4:12

Ḵingwana ḵatti ta ansagana taḵu we tagun Apudyus we anserbi ḵan Kristu ta pumigsa taḵu we isun di long-agna,

Ephesians 4:16

Ḵad gapu ta siya mipani ye uḻu taḵu, siya bos asi ḵigade angiyuḻnus ḵan ditaḵu we namati ye isun di ḵamangay ni sanae long-agna ta mibagaydae ustu. Pun nu ḵoon ni sin-ossaossae ḵamangay ni sanae long-ag naatode ḵewaaḻna, pumigsapigsa ya dumaḵodaḵoḻ sanae long-ag mipagapu si ayat.

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

Ephesians 5:21

Sa osa bos an-asipakumbaba ḵayu gapu si angisipoganyu ḵan Kristu.

Philippians 2:1

Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Timothy 1:4

Ḵad ibagam ḵan dida ta adida dodongngon da ug-uggud da iyawe ya sa anduandu we listaan da ganaḵda. Te sana gapun ni ansosongbatan da tagu. Daḵampun aḵ bumadang si mituttuwaan ni planun Apudyus we ipaigammuna mipagapu si pammati.

Hebrews 4:9

Pun sissiyae awad de maḵaillongan da tagun Apudyus we isun ni ummillongana'tte miḵapitu we aḻgaw.

Jude 1:20

Yaḵon ḵan diḵayu we ay-ayatoḵe buḻbuḻun, papigsaonyu da pammatiyu ḵan Apudyus. Ḵad alluwaḻu ḵayu'tte ḵabooḻan ni Ispiritu Santu.