Acts 9:24 - Sa Ugud Apudyus

²⁴ Yaḵon igammun Saul planun da Judyu. Inaḻgaw ya nilabi ye umoyda bangabangon atta lewangan ni siyudad ta gongatonda.

Acts 9:24 ပူးပေါင်းရင်းမြစ်များ

Acts 20:19

Nanserbiyaḵ ḵan Apu Jesus we napakumbaba. Ḵad naaḻuboy os luwaḵ si lawweng ni somsomoḵḵu gapu si namaḵapaḵaḻaman da dogaḵe Judyu ḵan saḵon te nan-uunudandae gongaton saḵon.

Acts 20:3

Inninggaw aḵ tuḻun buḻan sidi. Yaḵon annapun oḵyane ambapur we umoy ad Syria, inigammunae nan-uunudan da Judyu we gongatonda. Pun simsimmoḵnae mipauli angoy ad Macedonia.

Acts 23:30

Gapu ta inninggaw nangibaga ḵan saḵone nantutuḻagan da Judyu we gongatonda'ḵ Paul, daguse impaiyoyḵu ḵan siḵa. Imbilinḵu bos atta amabasuḻ ḵan siyae siḵa umoyda andaḻuman. Sana abus aḵ ibagaḵ.”

Acts 25:11

Ḵad nu awad ḵingwaḵ aḵ lawweng labbongnae matoyaḵ ḵad adiyaḵpun maḵailigsi si ḵatoy. Yaḵon nu ippun ḵatuttuwaan da sadi ye ipabasuḻda ḵan saḵon, ippun sillabbong angipuḻang ḵan saḵon ḵan dida. Pun idatagḵu ḵasusḵu'tte Emperor.”

Acts 25:3

Nandagdaguda ḵan Festus we ipaulida'ḵ Paul ad Jerusalem te sa planuda umoyda bangabangon si daḻan ta gongatonda.

Acts 9:25

Yaḵon sillabiyan ḵad innaḻan da namati daḵoḻe batawil woḵ iggada'ḵ Saul pun impaoyda si nitaange ḵabitin ni siyudad woḵ inuyudda'tte lasin ni ḵabiti inggana'tte luta.

2 Corinthians 11:32

Sa inninggawaḵ ad Damascus, impaguwaḻdan ni gobernor we dinutuḵan Ari Aretas da losane lewangan ni siyudad ta padoḵmana saḵon.