Acts 9:22 - Sa Ugud Apudyus

²² Yaḵon amo pummigsa ḵabooḻan Saul we angiwaḻagawag. Pinanoḵnoḵanae aḵ Jesus siya Kristu ḵad da Judyu'd Damascus adidapun maḵasongbat ḵan siya.

Acts 9:22 ပူးပေါင်းရင်းမြစ်များ

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Acts 17:3

Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.”

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 9:21

Nataag da losane nandongoḻ woḵ nan-asiimusda, “Daḵampun ḵamman aḵ sanat tagu we namaḵaḻam atta anḵodaw aḵ ḵadagu ḵan Apu ad Jerusalem? Daḵampun ḵamman aḵ siya panggobnae ummali sina umoy andoḵma'tta namati ya iyoyna didae nababaḻud atta papangat da papadi?”

Acts 9:23

Naḻaḵpus ḵad adu we aḻgaw, nantutuḻag da Judyu si inondae angongat ḵan Saul.

Acts 9:27

Pun inniyoy Barnabas aḵ Saul atta apostol woḵ imbagana ḵan dida inon Saul we nangila ḵan Apu Jesus atte daḻan ya sa inon Jesus we naḵaug-uggud ḵan siya. Pun imbagana tuḻod Saul we nangiwaḻagawag mipanggob ḵan Jesus ad Damascus.

1 Corinthians 1:27

Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

Galatians 1:18

Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.