Acts 9:20 - Sa Ugud Apudyus

²⁰ Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 9:20 ပူးပေါင်းရင်းမြစ်များ

Matthew 27:43

Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.”

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

Acts 13:14

Yaḵon tinenanda'd Perga woḵ pinagatupandae ummoy ad Antioch atte saḵubna'd Pisidia. Sa umillongan da Judyu, ummoyda si sinagoga woḵ naḵatuḵduda ḵan dida.

Acts 13:33

Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana, “ ‘Siḵa Abengḵu, inggana sinsadi saḵon Amam.’

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 13:5

Dummatongda ḵad ad Salamis, iwwaḻagawagda Ugud Apudyus atta sinagogan da Judyu. Innawitda'ḵ John Mark ta bumadang ḵan dida.

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 16:13

Sa aḻgaw ḵade umillongan da Judyu, ummoy ḵani si lasin ni siyudad atte taḻantag ni tawwang te ḵanannipun nu siya dam-on da Judyu alluwaḻuwan. Tummuḵdu ḵani woḵ naḵaug-uggud ḵani'tta bubai ye nadagup sidi.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 17:2

Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus.

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 19:8

Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida.

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”

Acts 9:22

Yaḵon amo pummigsa ḵabooḻan Saul we angiwaḻagawag. Pinanoḵnoḵanae aḵ Jesus siya Kristu ḵad da Judyu'd Damascus adidapun maḵasongbat ḵan siya.

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Galatians 1:16

Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Revelation 2:18

Ḵanana bos, “Annaya isuḻatnu'tte anghel we angayyuwan atta namati ye magimugimung ad Thyatira, ‘Saḵon Abeng Apudyus we isunan gumilgillayabe apuy atana ya isunan sumelape gambang da suḵina. Annaya ibagaḵ ḵan diḵayu.