Acts 9:15 - Sa Ugud Apudyus

¹⁵ Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Acts 9:15 ပူးပေါင်းရင်းမြစ်များ

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 21:19

Naabus ḵade pinakumustan Paul dida, inug-uggudna da losane ḵingwan Apudyus atta Gentil mipagapu si ḵewaaḻna.

Acts 22:14

Pun ḵanana, ‘Sa Apudyus da danaḵḵoḻ taḵu, pinilina siḵa ta igammuwom da piona ya ilam naun-unane Abengna we nanserbi ḵan siya ya dongngom gingana.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Acts 25:22

Pun ḵanan Agrippa ḵan Festus, “Pioḵ pagaye dongngone mismu si sanate tagu.” Ḵanan Festus, “Appigat, maḵwae dongngom.”

Acts 26:1

Pune sadi, ḵanan Ari Agrippa ḵan Paul, “Maḵwae an-ugudḵa ta taḵdoḻam long-agnu.” Pun intayag Paul imana ta taḵdoḻana long-agna woḵ ḵanana,

Acts 26:32

Ḵanan Ari Agrippa ḵan Gobernor Festus, “Sa annae tagu mapuḵayan oḵyan nu adina ḵindawe maiyoy ḵasusna si Emperor ad Rome.”

Acts 27:24

woḵ ḵanana, ‘Paul, adiḵa maḵimut te ḵasapuḻane masumaḻyaḵa si sinagung ni Emperor ad Rome. Ḵad mipagapu bos si ḵinabaḻun Apudyus, taguwona siḵa ya da losane ḵalugannu ta naippun matoy.’

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

Romans 11:13

Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 9:16

Te nu iwaḻagawagḵu Ambaḻu we Damag ippun ḵaḻabbongaḵe angiyisḵaḻ. Te naitod ḵan saḵon biyang, pun ḵasapuḻane iwaḻagawagḵu. Ḵad ḵaddaguwaḵ nu adiḵ iwaḻagawag Ambaḻu we Damag.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

2 Timothy 2:4

Unudom os angwan ni suḻdadu we adipun maḵaḵḵaila si ḵoon da sibilyan te pionae pas-oman kumanderna.

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”