Acts 9:14 - Sa Ugud Apudyus

¹⁴ Ḵad annae ummali sinae naittan aḵ ḵaḻabbongane naḻpu'tta papangat da papadi ta andoḵma'tta losane anḵodaw aḵ ḵadagu ḵan Apu.”

Acts 9:14 ပူးပေါင်းရင်းမြစ်များ

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

Acts 9:21

Nataag da losane nandongoḻ woḵ nan-asiimusda, “Daḵampun ḵamman aḵ sanat tagu we namaḵaḻam atta anḵodaw aḵ ḵadagu ḵan Apu ad Jerusalem? Daḵampun ḵamman aḵ siya panggobnae ummali sina umoy andoḵma'tta namati ya iyoyna didae nababaḻud atta papangat da papadi?”

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

2 Timothy 2:22

Pun adayuwam da pipion ni long-ag da babaḻu ta ipapuutnu we angwa si ummun-un ya amapigsa si pammatim. Ipapuutnu bose angayat atta udume tagu ya sa allin-awae maḵabuḻbuḻunam atta anḵodaw aḵ ḵadagu ḵan Apu we ampoḻḵas da somsomoḵda.