Acts 8:9 - Sa Ugud Apudyus

⁹ Yaḵon inninggaw laḻaḵi ye nangngadan aḵ Simon we nabayage ambubuyun atte sadi ye siyudad. Pun nataag da umili'd Samaria atta ḵingwana. Ḵananae siya ḵad nangatu we tagu.

Acts 8:9 ပူးပေါင်းရင်းမြစ်များ

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

Acts 13:6

Pun ginaggaḵayda da ili'd Cyprus inggana'ḵ dummatongda'd Paphos. Sidi nangabotanda'tte osan ambubuyune Judyu we sinan profeta we nangngadan aḵ Bar-Jesus.

Acts 13:8

Yaḵon aḵ Elymas we ambubuyun te siya ngadanna'tte Greek, summullagi ḵan dida ya padasona tupodon gobernor ta adi amati ḵan Jesus.

Acts 5:36

Te sa awe, inggaw aḵ Theudas we ngannona long-agna'ḵ pangat woḵ umoye opat gasute laḻaḵi da nitun-ud ḵan siya. Gingngat ḵad da suḻdadu, nabuḵaḻ da losane nitun-ud ḵan siya woḵ ippun nambanaganda.

Acts 8:11

Nandodongngoḻda ḵan siya te nabayage ḵingwana da nakaskasdaaw mipagapu si ambubuyunna.

2 Thessalonians 2:4

Sullagiyona'ḵ Apudyus ya da losane sinan-apudyus ya da ngaimane daydayawon da tagu ya ipangatunae mismu long-agna nu da ngaiman ḵan dida. Ta tumuḵdu si templo we boḻoy Apudyus ya iwaḻagawagnae siyae mismu Apudyus.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”