Acts 8:30 - Sa Ugud Apudyus

³⁰ Pun nanoddaḵ aḵ Philip we ummadani si opisyal woḵ dingngoḻnae basabasaona inggilin Profeta Isaiah. Ḵananae nangimus, “Maawatam ḵad ain sanate basabasaom?”

Acts 8:30 ပူးပေါင်းရင်းမြစ်များ

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:23

Da naottag ḵad atte alluta, isuda da tagu we dongngonda Ugud Apudyus ya maawatanda ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Da udum singgagasut, da udum sin-oonompuḻu ya da udum sintuḵlumpuḻu.”

Matthew 13:51

Ḵanan Jesus, “Maawatanyu ḵamman losan da anna?” Ḵananda, “On, maawatanni.”

Matthew 15:10

Pune sadi, inayagan Jesus da tagu woḵ ḵanana, “Andongoḻ ḵayu ta maawatanyu.

Matthew 24:15

Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe. Maawatan oḵyan da ambasa.

Mark 13:14

Pun pinagatupan Jesus woḵ ḵanana, “Nu ilanyu ḵaog-ogyate dumadaile sisiḵad si lugar we ippun oḵyan ḵaḻabbonganae inggaw, maawatan oḵyan da ambasa. Pun da inggaw atte probinsiya'd Judea, umawidda oḵyan atta bebbeleg.

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

Acts 8:27

Pun nallibbat aḵ Philip we ummoy. Inggaw pun si daḻan inabotna nangatu we opisyale iyEthiopia we siya angayyuwan atta losane binaḵnang ni Candace we Queen ad Ethiopia. Ummoy nandayaw ḵan Apudyus ad Jerusalem.

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Acts 8:31

Ḵanan ni opisyal, “Naid umpay! Ngai inonae maawataḵ nu ippun angipaḵaawat?” Pun inayagana'ḵ Philip atte kalesa.

Acts 8:5

Aḵ Philip ḵade osa ḵan dida, ummoy atte osae siyudad ad Samaria woḵ iwwaḻagawagna mipanggob ḵan Kristu.

1 Corinthians 14:19

Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.

Ephesians 5:17

Pun adi ḵayu oḵyan andongdong-og yaḵon siya somsomḵonyu da pinion Apu we ḵoonyu.

Revelation 13:18

Ḵasapuḻan laing si anna. Nu awad tagu'ḵ nalaing, igammuwona mipaniyan ni sadi ye belang ni ḵaog-ogyate ayam te sa pion ni belang ugudon, ngadan ni tagu. Sa belangna ḵad, onomgasut ya onompuḻu ya onom.