Acts 8:12 - Sa Ugud Apudyus

¹² Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai.

Acts 8:12 ပူးပေါင်းရင်းမြစ်များ

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Luke 9:60

Ḵanan Jesus ḵan siya, “Awad da adipun amati ḵan saḵone isudan natoy, dida asi umoy angilibon atta natoyda. Yaḵon inḵa ya iwaḻagawagnu ampangatan Apudyus.”

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 18:8

Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

Acts 19:5

Dingngoḻda ḵad ay sadi, nampabonyagda'tte ngadan Apu Jesus.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 20:25

“Sinsadi andongoḻ ḵayu, igammuḵe diḵayu we nangiwaḻagawagaḵ mipanggob atte ampangatan Apudyus, aditaḵupun ogon an-asiila.

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Acts 5:14

Yaḵon amo ummaduadu da laḻaḵi ya da bubai ye namati ḵan Apu Jesus woḵ nadog-anda.

Acts 8:4

Da sadi ye nabuḵaḻe namati, iwwaḻagawagda Ugud Apudyus mipanggob ḵan Jesus atta dinumane ili ye ayanda.

Romans 10:10

Te gapu'tte sipupusu we amatiyan taḵu ḵan Jesu Kristu aḵ Apudyus angwa ḵan ditaḵu'ḵ maun-unan ḵad sa angibabaggaan taḵu bose aḵ Jesus Apu, sadi mataguwan taḵu.

1 Corinthians 11:11

Yaḵon sosomḵonyu we gapu'tte niyossaanan taḵu ḵan Apu, sa bubai ḵasapuḻana laḻaḵi ḵad sa laḻaḵi ḵasapuḻana bubai.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.