Acts 7:38 - Sa Ugud Apudyus

³⁸ Inninggaw si gimung da danaḵḵoḻ taḵu si bumbummaawe sa naḵaugudan ni anghel ḵan siya'tte beleg Sinai woḵ inawatna matattagu we Ugud Apudyus ta ittona ḵan ditaḵu.

Acts 7:38 ပူးပေါင်းရင်းမြစ်များ

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

Acts 7:30

“Naḻaḵpus ḵad de opatpuḻu we tawon, nampaila osae anghel Apudyus ḵan Moses si umapuapuye ḵayu si bumbummaaw si beleg Sinai.

Acts 7:35

“Aḵ Moses, indiyan da danaḵḵoḻ taḵu si nangibag-anda ḵanane, ‘Ngai nangibaga ḵan siḵae anna ḵaḻabbongame angipangat ya anguwis ḵan diḵani?’ Yaḵon imbuun Apudyus aḵ umoy angipangat ya amuḵay ḵan dida'tte nammusassuwanda gapu si badang ni anghel we nampaila ḵan siya si gumilagilabe ḵayu.

Acts 7:53

Diḵayu da nanawid atte lintoge innatod Apudyus ḵan ditaḵu mipagapu'tta anghel yaḵon adiyupun tinuttuwa.”

Romans 3:2

Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna.

Romans 9:4

Didae mismu we ganaḵ Israel pinilin Apudyus aḵ nambalin abengna ya dida nangipail-ana si ḵinangatuna. Dida bos naḵatuḻagana si nangittana'tte lintog, intuttuduna ḵan dida ustu we inondae andayaw ḵan siya ya adu bos da inkarina ḵan dida.

Galatians 3:19

Gapu ta aditaḵupun inawat da inkarin Apudyus si nanuttuwaan taḵu si lintog, ḵanan da udume an-imus ngai tuttuwae usar ni lintog? Iyyun-unud Apudyus indoga'tta inkarina ta maawatan da tagu we naḵabasuḻda. Sa panggobna ḵad, mapagatupan sanae lintog inggana si umaliyan ni ganaḵ Abraham, siya'ḵ Kristu we inkarina. Sa lintog, imbuun Apudyus da anghelna'ḵ umoy angiyugud ḵan Moses ya asin Moses imbaga'tta tagu.

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

Hebrews 4:12

Te sa Ugud Apudyus matattagu te maḵabooḻe awad da ambanaganda. Natadtadom nu sa ispadae nansupang ngaḻabnae lamogna sillauton da um-um ya da utoḵ te sa Ugud Apudyus lonḵona daḻome ḵamangay da tagu taḵon ay da ḵalidodwada ya da ispirituda ḵad lamogna bos usigon somsomoḵ da tagu ya imatunana da migagaḻae somsomoḵ.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.