Acts 7:35 - Sa Ugud Apudyus

³⁵ “Aḵ Moses, indiyan da danaḵḵoḻ taḵu si nangibag-anda ḵanane, ‘Ngai nangibaga ḵan siḵae anna ḵaḻabbongame angipangat ya anguwis ḵan diḵani?’ Yaḵon imbuun Apudyus aḵ umoy angipangat ya amuḵay ḵan dida'tte nammusassuwanda gapu si badang ni anghel we nampaila ḵan siya si gumilagilabe ḵayu.

Acts 7:35 ပူးပေါင်းရင်းမြစ်များ

Mark 12:26

Ḵad sa mipanggob atte umuliyan da natoy, iḵagasmoḵyu oḵyan binasayu'tte inggilin Moses mipanggob si umapuapuye ḵayu we ḵanana, ‘Saḵon Apudyus da Abraham, Isaac ya aḵ Jacob?’

Luke 19:14

“Yaḵon summanga da ḵailiyana ḵan siya, pun nangibuunda'ḵ udume tagu'ḵ mitun-ud ḵan siyae umoy angibaga'tte osae anutuḵ ḵan siya'ḵ an-ari ye ḵanana, ‘Adinipun paat pione siya an-arini.’

John 18:40

Ḵanandae nangiyipḵaw, “Adim aḵ Jesus puḵayan! Yaḵon aḵ Barabbas puḵayam!” Aḵ Barabbas ḵad tulisan.

John 19:15

Pun ḵanandae nanugtug-uy, “Pagongatnu! Pagongatnu! Paipattoḻnu'tte kros!” Ḵanan Pilate, “Pionyu ḵammane ipattoḻḵu'tte kros ariyu?” Ḵanan da papangat da papadi, “Naippun udum aḵ arini yaḵon sa Emperor.”

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Acts 3:22

“Ḵanan Moses, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude iyIsrael. Ḵad ḵasapuḻane tuttuwaonyu da losane ibagana.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Acts 7:30

“Naḻaḵpus ḵad de opatpuḻu we tawon, nampaila osae anghel Apudyus ḵan Moses si umapuapuye ḵayu si bumbummaaw si beleg Sinai.

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.