Acts 6:15 - Sa Ugud Apudyus

¹⁵ Pun losan da ḵuḵunsisaḻ ya da udume nadagup sidi, intotollongda'ḵ Stephen woḵ innilada bosaḻnae isunan bosaḻ di anghel.

Acts 6:15 ပူးပေါင်းရင်းမြစ်များ

Matthew 13:43

Yaḵon da naun-unane tagun Apudyus, allangḻangdae isun di init si ampangatan Amada. Diḵayu we andodongngoḻ, sosomḵonyu da dingngoḻyu.”

Matthew 17:2

Sa nangil-anda ḵan Jesus, nambaliw ḵatollongana. Sa bosaḻna, allangḻange isun di init ya sumilisiling silupna.

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Mark 8:25

Pun impigwan Jesus iyyappad imana'tta atan ni naḵuḻap. Nandiyat ḵad ḵasin, maḵaila te amo pummadda ilana.

Acts 7:1

Pun ḵanan ni ḵangatuwane padi ye nangimus ḵan Stephen, “Tuttuwa ḵamman da sanae ipabasuḻda ḵan siḵa?”

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.