Acts 6:14 - Sa Ugud Apudyus

¹⁴ Te dingngoḻni nangibag-anae dadailon Jesus we iNazareth annae templo ya baliwana bos ugali ye impatawid Moses ḵan ditaḵu.”

Acts 6:14 ပူးပေါင်းရင်းမြစ်များ

Matthew 26:61

woḵ ḵananda, “Ḵanan ni annae tagu we lamogḵu dadailon templon Apudyus ḵad lamogḵu taḵadon si unog di tuḻun aḻgaw.”

Mark 14:58

“Dingngoḻni inugudnae dadailona annae templo we ḵingwan da tagu ya taḵadona si unog di tuḻun aḻgaw osae templo we daḵampun aḵ tagu anaḵad.”

Luke 21:24

Matoy da udum atte gubat ya da udum iyoyda dida'tta adu we nansabasabali ye adayu we ili ta ibaḻudda ya ambalinonda dida'ḵ musassu. Sina'd Jerusalem, oḻgon da Gentil dida ya dida ampangat inggana'tte timpu we amungtuwon Apudyus ampangatanda.”

Luke 21:6

“Ilanyu sinsadi da sana. Yaḵon sa umali ye aḻgaw, maamin miḵisob da sana ya miwalis ta naippun mabun-an taḵon ay ossaane batu si igawna.”

John 2:19

Ḵanan Jesus, “Nu dadailonyu annae templo, taḵadoḵ si tuḻun aḻgaw.”

John 4:21

Ḵanan Jesus, “Bubai, amatiḵa ḵan saḵon, dumatong timpu we daḵampun ogon atte annae beleg baḵon nu ad Jerusalem andayawan da tagu ḵan Apudyus we Ama.

Acts 15:1

Pun inninggaw da laḻaḵi ye dummatong ad Antioch we naḻpu'tte probinsiya'd Judea we ummoy nantuttudu'tta susunud ḵan Kristu. Ḵananda, “Adiḵayupun matagu nu adi ḵayu pasogyat sigun si intuttudun Moses.”

Acts 21:21

Imbagada mipanggob ḵan siḵae intuttudum atta losane Judyu we naḵaumili'tta Gentil we iwaḻangda da lintog Moses ya adida pasogyat da abengda ya adida unudon ugali taḵu we Judyu.

Acts 25:8

Pun ḵanan Paul we nanaḵdoḻ si long-agna, “Ippun nilisalisḵu'ḵ lintog taḵu we Judyu baḵon nu dinadailḵu templo taḵu baḵon nu naḵabasuḻaḵ atte Emperor ad Rome.”

Acts 26:3

Te iniiggammum da losane ugali taḵu we Judyu ya da ansosongbatan taḵu. Pun ḵodawoḵ ud anusnu we andongoḻ atte annae ibagaḵ.

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Galatians 3:19

Gapu ta aditaḵupun inawat da inkarin Apudyus si nanuttuwaan taḵu si lintog, ḵanan da udume an-imus ngai tuttuwae usar ni lintog? Iyyun-unud Apudyus indoga'tta inkarina ta maawatan da tagu we naḵabasuḻda. Sa panggobna ḵad, mapagatupan sanae lintog inggana si umaliyan ni ganaḵ Abraham, siya'ḵ Kristu we inkarina. Sa lintog, imbuun Apudyus da anghelna'ḵ umoy angiyugud ḵan Moses ya asin Moses imbaga'tta tagu.

Galatians 3:23

Sa timpu ḵade daampun da tagu amati ḵan Kristu, isu taḵun baḻude napupuḵuḵ ya naguwaḻdaan ta adi taḵu maḵalawa te ḵasapuḻane tuttuwaon taḵu lintog inggana'ḵ umali'ḵ Kristu we patiyon taḵu.