Acts 6:1 - Sa Ugud Apudyus

¹ Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Acts 6:1 ပူးပေါင်းရင်းမြစ်များ

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 11:29

Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Acts 2:45

Ingnginada da lutada ya da ḵuḵuwada woḵ iwwaḻasda'tta udume namati sigun si ḵasapuḻan ni sin-ossaossa.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 4:35

apostol ta asida ḵigade angiwaḻas atta udume namati sigun si ḵasapuḻan ni sin-ossaossa.

Acts 4:4

Yaḵon adu da nandodongngoḻ atte inugudda woḵ namatida. Sa belang da laḻaḵi umoye limallibu.

Acts 5:14

Yaḵon amo ummaduadu da laḻaḵi ya da bubai ye namati ḵan Apu Jesus woḵ nadog-anda.

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”

Acts 6:2

Nandatdatong da nasawaḻan aḵ duwae apostol ya da losane namati woḵ ḵananda ḵan dida, “Daḵampun oḵyan aḵ ustu iginoḵni ye angiwaḻagawag si Ugud Apudyus ta awwaḻas ḵani si maḵan.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 9:29

Pun naḵaug-uggud ya naḵasossongbat atta Judyu we Greek gingada yaḵon singsingtonda inondae angongat ḵan siya.

Acts 9:39

Pun nallibbat aḵ Peter woḵ nibuḻun ḵan dida. Dummatongda ḵad, impuyutda'tte ngatu we kuwartu we igaw ni natoy. Sin-iibil da losane baḻu we sisiḵad si daḻnig Peter woḵ ipailada ḵan Peter da langgoyod ya da udume silupe ḵingwan Dorcas si inninggawana ḵan dida.

Acts 9:41

Innonnan Peter imana woḵ pinataḵdogna. Pun inayagana da sadi ye baḻu ya da udume tagun Apudyus woḵ impailana ḵan dida'ḵ Dorcas we natagu.

Romans 12:7

Ḵad da naittan aḵ ḵabooḻane anserbi'tta udum, anserbida oḵyan. Ḵad da naittan aḵ ḵabooḻane angituttudu si ḵatuttuwaan, antuttududa oḵyan.

1 Corinthians 10:10

Ḵad adi taḵu bos ngumonongonote isun os ni ḵingwan da udum ḵan dida woḵ pinatoy ni anghel we imbuun Apudyus dida.

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

Philippians 3:5

Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.

1 Timothy 5:3

Sa mipanggob atta baḻu, patgam ya badangam dida nu naippun sunudda'ḵ angayyuwan ḵan dida.

1 Timothy 5:9

Ḵad da baḻu we midoga si listaanyu, ḵasapuḻane lumabos aḵ onompuḻu tawonda ya ḵasapuḻane namingsan nangasawa ya adipun naḵadagdagas.

Hebrews 13:1

Pagatupanyu we an-asiayate isun di ansusunud ḵan Kristu.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

James 4:5

Adiyu oḵyan ḵanane ippun patog ni nigili ye Ugud Apudyus we ḵanana: Angimun aḵ Apudyus ḵad adinapun pione awad ḵapuḻpuḻos ni Ispiritu we imbuunnae iinggaw ḵan ditaḵu.

James 5:9

Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.