Acts 5:36 - Sa Ugud Apudyus

³⁶ Te sa awe, inggaw aḵ Theudas we ngannona long-agna'ḵ pangat woḵ umoye opat gasute laḻaḵi da nitun-ud ḵan siya. Gingngat ḵad da suḻdadu, nabuḵaḻ da losane nitun-ud ḵan siya woḵ ippun nambanaganda.

Acts 5:36 ပူးပေါင်းရင်းမြစ်များ

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 24:26

“Pun nu ḵananda ḵan diḵayu we, ‘Ilanyu! Andiya'ḵ Kristu si bumbummaaw,’ adiḵayu umoy. Ḵad nu ḵanandae, ‘Annayae nantataḻu si kuwartu,’ adiyu bos patiyon.

Matthew 24:5

Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’ ḵad adu da tagu we allelawonda.

Acts 21:38

Daḵampun ḵad ain aḵ siḵa iyEgypt we nangulu si gubilnu si awe? Siya nangipuyut atta opat libu we laḻaḵi ye pumappatoy atte bumbummaaw?”

Acts 5:35

Pun ḵanana ḵan dida, “Susunude ganaḵ Israel, umman taḵu annadan ḵoon taḵu'tta annae tagu.

Acts 8:9

Yaḵon inninggaw laḻaḵi ye nangngadan aḵ Simon we nabayage ambubuyun atte sadi ye siyudad. Pun nataag da umili'd Samaria atta ḵingwana. Ḵananae siya ḵad nangatu we tagu.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

Galatians 6:3

Nu awad angibelang aḵ awad de ḵabooḻana baḵon nu nangatu ḵasasaadna yaḵon daḵampun aḵ tuttuwa, allelawonae mismu long-agna.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 2:2

Yaḵon adu da angunud atta ḵababbaine antataguda ḵad gapu ḵan dida, ibagadae lawweng ḵatuttuwaan.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.

Revelation 17:3

Pun isunan impain-inop ni Ispiritu Santu ḵan saḵon woḵ inniyoy ni sadi ye anghel saḵon atte bumbummaaw. Sidi nangil-aḵ atte bubai ye nangabayu si dilaage ḵaog-ogyate ayame pitu uḻuna ya simpuḻu sakkudna. Sa long-agna ḵad os, naḻnot nagiliyan atta ngadane misullagi ḵan Apudyus.

Revelation 17:5

Sa ngadanna ḵade nigili'tte ḵidayna, adipun maigammu piona ḵanan. Ḵanana, “Babylon we nandindinamage inan da puta ya maḻpuwan da losane ḵaissawe naḵwa'd luta.”