Acts 5:33 - Sa Ugud Apudyus

³³ Dingngoḻ ḵad da ḵuḵunsisaḻ sadi, amod de sangada woḵ pionda gongaton da apostol.

Acts 5:33 ပူးပေါင်းရင်းမြစ်များ

Matthew 1:19

Aḵ Joseph we ḵatuḻagna, naun-unan ya adinapun os pione mibabbain aḵ Mary. Pun simsimmoḵnae isinanae adipun maigammu.

Matthew 10:21

“Sa sadi ye timpu, awad da udume idaḻumda da sunudda'tta papangat ta gongatonda dida. Ḵaḵna bos atta ama ḵan inae ituyuḵda da abengda'tta papangat ta gongatonda dida. Sasangngaan os da abeng da amada ḵan inada ḵad pagongatda bos dida.

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Luke 20:19

Dingngoḻ ḵad da mimistulun ni lintog ya da papangat da papadi sanae pani, pionda doḵmaane dagus aḵ Jesus te inigammudae inugudna pani'ḵ mibusuḻ ḵan dida. Yaḵon naḵimtanda'tta tagu.

Luke 6:11

Yaḵon da mimistulun ni lintog ya da Pharisee amod de sangada ḵan Jesus woḵ nan-uugudda nu ngai ḵoonda ḵan siya.

John 15:20

Sosomḵonyu da imbagaḵ ḵan diḵayu, naippun sammilu'ḵ nangatngatu nu sa apuna. Nu nampaḵaḻamonaḵ, ampaḵaḻamonda bos diḵayu. Ḵad nu tuttuwaonda da ugudḵu, tuttuwaonda bos da ugudonyu.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Acts 22:22

Imbagan ḵad ay Paul sadi, da nandodongngoḻ ḵan siya insaḻadda ḵanane simbobogga, “Gongaton taḵu! Adi oḵyan matagu ḵaḵnate tagu.”

Acts 7:54

Dingngoḻ ḵad da papangat da Judyu da imbagan Stephen, ngumalitod da babada'tte ummamdane sangada.

Acts 9:23

Naḻaḵpus ḵad adu we aḻgaw, nantutuḻag da Judyu si inondae angongat ḵan Saul.