Acts 5:14 - Sa Ugud Apudyus

¹⁴ Yaḵon amo ummaduadu da laḻaḵi ya da bubai ye namati ḵan Apu Jesus woḵ nadog-anda.

Acts 5:14 ပူးပေါင်းရင်းမြစ်များ

Acts 11:24

Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 22:4

Amod nampapaḵaḻamḵu'tta nangunud atta intuttudun Jesus ya impagongatḵu da udum. Laḻaḵi ḵan da bubai, dinoḵmaaḵ ya impaibaḻudḵu dida.

Acts 4:4

Yaḵon adu da nandodongngoḻ atte inugudda woḵ namatida. Sa belang da laḻaḵi umoye limallibu.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 8:12

Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai.

Acts 8:3

Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

Acts 9:2

woḵ nanḵodaw aḵ suḻat atta papangat da sinagogan da Judyu ad Damascus ta andoḵma'tta ngaimane odasanae laḻaḵi baḵon nu bubai ye angunud atta tuttudun Jesus ḵad iyoyna dida ibaḻud ad Jerusalem.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Acts 9:35

Pun losan da umili'd Lydda ya ad Sharon innila woḵ namatida ḵan Apu Jesus.

Acts 9:42

Nandinongoḻ annae naḵwa'tta losane ili'd Joppa woḵ adu da namati ḵan Apu Jesus.

2 Corinthians 6:15

Maḵwa ḵammane an-ossaan ḵasomsomḵan da Kristu ḵan Satan? Ḵad isuna bos da namati ḵan daḵampun aḵ namati.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.