Acts 4:31 - Sa Ugud Apudyus

³¹ Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

Acts 4:31 ပူးပေါင်းရင်းမြစ်များ

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

Acts 14:3

Pun nabayag inninggawan da Paul ḵan Barnabas sidi. Intuḻoddae nantuttudu mipanggob ḵan Apu Jesus. Pun tinaḵdoḻandae tuttuwa mipanggob si ḵinabaḻuna mipagapu si nangittana ḵan dida si ḵabooḻane angwa'tta nakaskasdaaw ḵan sinyal.

Acts 2:1

Dummatong ḵad aḻgaw ni Gayagayan da Judyu we ngannonda Pentecost, nandatdatong da namati si osae boḻoy.

Acts 2:2

Baag-en dingngoḻda bunguge naḻpu'd langite isun ni bungug ni ampigsapigsae bibbid woḵ nangalliwoḵ si boḻoye nandaḵdaḵnganda.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 4:13

Innilan ḵad da ḵuḵunsisaḻ tuḻod da Peter ḵan John nataagda te igammudae nababa ḵasasaaddae tagu we adidapun naadaḻan. Pun immatunandae nibuḻubuḻunda ḵan Jesus.

Acts 4:29

Sinsadi Apu, dongngom da sanae iḵoḻḵogda ḵan diḵani ye sammilum. Ittam ud diḵani'ḵ tuḻode angibagabaga si ugudnu.

Philippians 1:14

Gapu bos atte nibaḻudaḵ, pummigsa taḻgodda ḵan Apu da ḵaaduwane susunud taḵu ḵan Kristu. Pun adidapun umogyat yaḵon amo tummuḻoddae angiwaḻagawag si Ugud Apudyus.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.