Acts 3:16 - Sa Ugud Apudyus

¹⁶ Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.

Acts 3:16 ပူးပေါင်းရင်းမြစ်များ

Matthew 14:29

Ḵanan Jesus, “Awwaynu.” Dingngoḻ ḵad ay Peter, lummogsad si bangka woḵ insaḻadnae nanaddaḻane ummoy ḵan Jesus.

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 7:23

Pun nu sogyatanyu'tte umillongan ta mituttuwa lintog Moses, ngaipa ḵayu sumanga si ḵinaanḵu saḵit ni tagu si umillongan?

Acts 14:9

Nandodongngoḻ ḵad atta inugud Paul, immumusḵoḻ Paul pun innilanae ampigsa pammatinae lamog Apudyus anaddaḻanon.

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Acts 3:8

Pune sadi nasaniḵad woḵ nanaddaḻan. Pun nibuḻun ḵan da Peter ḵan John we ummoy si paway ni templo woḵ nanadtaddaḻan ḵan nampaypaytuḵe nandaydayaw ḵan Apudyus.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Acts 4:7

Pun da Peter ḵan John pinataḵdogda dida si sinagungda woḵ ḵanandae nanumaḻya ḵan dida, “Dinu naḻpuwan ni ḵabooḻanyu ya ngai singngadan atte inusaryu we nangwa si anna?”

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.