Acts 28:8 - Sa Ugud Apudyus

⁸ Niyaspuḻ ose an-atung ḵan napitut aman Publius. Pun ummoy Paul innila woḵ illuwaḻuwana, impatayna da imana ḵan siya woḵ naḵaan saḵitna.

Acts 28:8 ပူးပေါင်းရင်းမြစ်များ

Matthew 10:1

Sin-aḻgawan ḵad, inayagan Jesus da nasawaḻan aḵ duwae disipuluna. Pun innatodna ḵaḻabbongan ḵan didae amaḻyaw atta aḻan ya angaan atta losane kalasin di saḵit ya da ampaḵaḻaman da tagu.

Matthew 10:8

Ḵaanonyu da saḵit, taguwonyu da natoy, ḵaanonyu saḵit da naleprosy ya paḻyawonyu da aḻan atta naaḻanan. Naippun nambayadyu si annae ḵaḻabbongane innatodḵu ḵan diḵayu, pun adi ḵayu bos patangdan.

Matthew 12:13

Pun ḵanana si naangḵet, “Uyadom imam.” Inuyadna ḵad, nipaḻ-og woḵ bummaḻu we isun ni biiḵe imana.

Matthew 9:18

Sissiya ḵad aḵ Jesus we maḵaug-uggud atta disipulun John, dummatong pangat da Judyu. Nanalluḵu si sinagung Jesus woḵ ḵanana, “Awad de bubai ye abengḵu we ḵaḵḵatoy yaḵon awwaynu ḵappos ta inḵa iyappad imam ḵan siya ta umuli.”

Mark 16:18

Ḵad nu onnanda da uḻog baḵon nu uminumda'tta maḵodotan, adidapun madiwdiwat. Nu ipatayda da imada'tta nasaḵit, maḵaan da saḵitda.”

Mark 5:23

woḵ nandagdagu. Ḵanana, “Awad de abengḵu we bubai ye madam-an matoy. Awwaynu ḵappos ta inḵa ipatay imam ḵan siya ta lumin-awa ta matagu.”

Mark 6:5

Gapu ta adidapun namati, adipun nangwa'ḵ adu we nakaskasdaaw sidi, abus impatayna imana'tta aḵite nasaḵit ta maḵaan da saḵitda.

Mark 7:32

Inninggaw da nangiyoy si tagu we natuḻong ya naumoḻ. Pun nandagdaguda ḵan Jesus ta ipatayna oḵyan imana ḵan siya ta maḵaginga ḵan maḵadongoḻ.

Luke 13:13

Pun impatay Jesus da imana ḵan siya woḵ daguse nauyad woḵ nandaydayaw ḵan Apudyus.

Luke 4:40

Mummasdom ḵad, inniyoy da tagu ḵan siya da losane nasaḵit atta ngaimane kalasin di saḵit. Impatay ḵad Jesus imana'tte sin-ossaossa, naḵaan da saḵitda.

Acts 28:7

Adani si sanate taḻantag lutae ḵuwan Publius we pangat da tagu si annae ili si gawan ni baybay. Nisagawe nammangili ḵan diḵani si tuḻun aḻgaw.

Acts 28:9

Naḵwa ḵad ay sadi, ummoy da nasaḵite udum ḵan Paul woḵ ḵinaanna da saḵitda.

Acts 9:40

Yaḵon pinaḻawan Peter dida losan woḵ nanalluḵu we nalluwaḻu. Naabus ḵad, nansagung si natoy woḵ ḵanana, “Tabitha, bumangonḵa.” Pune sadi, nandiyat woḵ innilana ḵad aḵ Peter, tummuḵdu.

1 Corinthians 12:28

Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ.

1 Corinthians 12:9

Ḵad sa osa, ittan ni sanae Ispiritu aḵ ampigsae pammati ḵad sa osa, ittan os ni Ispiritu aḵ ḵabooḻane angaan atta saḵit.