Acts 27:20 - Sa Ugud Apudyus

²⁰ Naḻaḵpus ḵad adu we aḻgaw, ippun nangil-anni si init ya da bituwon, annae amo ipigsana bibbid inggana'ḵ ippun ogon namnamani'ḵ matagu.

Acts 27:20 ပူးပေါင်းရင်းမြစ်များ

Matthew 24:29

Pinagatupan Jesus woḵ ḵanana, “Nu magangput da ampaḵaḻaman si sadi ye timpu, gumiḵbot init ya adipun allangḻang soḻag. Maamin maottag da bituwon ya miyugayug da losane awad ad langit.

Acts 27:19

Sa ḵaḵlun aḻgawna, nan-iballuda bos atta lamintan ni bapur.

Acts 27:21

Gapu ta nabayage ippun nangananda, summiḵad aḵ Paul woḵ ḵanana, “Susunud, nu tinuttuwayu oḵyan imbagaḵe adi taḵu malikkat ad Crete, naippun nadadail ḵan nataḻaḵ.

2 Corinthians 11:25

Ḵad namiḵlu bose pinangpang-oḵaḵ atta iRome. Sa namingsan binatubatuwaḵ. Inninggaw os namiḵlu we nilisoban ni bapur we nalluganaḵ. Namingsane nanaptappaḵaḵ atte baybay aḵ sillabi ya sin-aḻgaw.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.